اشترك
like Sofy on Facebook

هرمون النمو البشرى HGH

0

ظهرت ظاهرة لتناول بعض الناس لمادة هرمون النمو البشرى ( HGH  ) على امل انها ممكن تديهم الشعور بالشباب و بتساعدهم على بناء عضلات الجسم على الرغم من تحذير كتير من الخبراء .ايه هى طبيعة الهرمون ده ؟وايه تاثيره و فوائده الطبيعية  للجسم ؟وايه سبب تحذير الاطباء من تناول الهرمون ده و زيادة نسبته فى الجسم ؟اعرفوا معانا كل معلومة تهمك عن هرمون HGH .

هرمون النمو البشرى HGH :

ما هو HGH :

هو هرمون بتفرزه الغدة النخامية و بيحفز النمو عند الاطفال و المراهقين و بيساعد فى تنظيم تكوين العظام فى الجسم و سوائل الجسم و نمو العضلات و العظام و السكر و التمثيل الغذائى للدهون واصبح ليه دور فى تكوين بعض الادوية لعلاج مجموعة من الامراض .

استخدامات هرمون النمو :

تم تطوير هرمون النمو البشرى الاصطناعى سنة 1985 و اتوافق عليه لاستخدامات معينة سواء فى الاطفال او البالغين .

  1. ففى الاطفال بيستخدم لعلاج قصر القامة لاسباب غير معروفة او ضعف النمو لعدد من الاسباب الطبية زى :
  • متلازمة تيرنر وده اضطراب وراثى بيؤثر على نمو الفتاة .
  • متلازمة برادر ويلى و ده اضطراب وراثى غير شائع بيتسبب فى ضعف العضلات و انخفاض مستوى الهرمونات الجنسية و الشعور المتواصل بالجوع .
  • القصور الكلوى المزمن .
  • نقص او قصور فى HGH .
  • الاطفال المولودين بحجم صغير بالنسبة لمدة الحمل .
  1. اما بالنسبة للبالغين تمت الموافقة على استخدام الهرمون فيما يلى :
  • متلازمة الامعاء القصيرة وهى حالة عدم امتصاص المواد الغذائية بشكل صحيح سواء بسبب مرض معوى او بسبب الاستئصال الجراحى لجزء كبير من الامعاء الدقيقة .
  • نقص HGH الناتج عن الاورام النادرة للغدة النخامية .
  • مرض ضعف العضلات المرتبط بفيروس نقص المناعة البشرية (الايدز) .

الانتهاكات الخاصة باستخدام هرمون النمو :

  • لكن مع الاسف بنلاقى ان معظم استخدامات هرمون النمو غير متفقة مع الاستخدامات المتفق عليه فبعض الناس بيستخدموه مع عقاقير منشطة زى منشطات بناء العضلات و تحسين الاداء الرياضى .
  • فيه بعض الادعاءات الغير متفق على صحتها بتقول ان المنتجات المحتوية على HGH بتعمل على وقف التدهور الجسدى الناتج عن انخفاض مستوى هرمون النمو الطبيعى اللى بيحصل مع تقدم العمر .
  • كمان فى بعض المنتجات اللى بتحتوى على HGH و بيتم الترويج ليها من خلال النت و التليفزيون و اللى بتدعى فوائده فى الحد من الدهون و بناء العضلات و استعادة نمو الشعر و اللون و تعزيز الجهاز المناعى وزيادة الطاقة و تحسين الحياة الجنسية والنوم و الرؤية و الذاكرة على الرغم من عدم وجود اى دليل طبى بياكد اى حاجة من الكلام ده و من صحة استخدام المنتجات دى

بعض الاثار الجانبية و المخاطر المحتملة من استخدام هرمون النمو :

  • الام المفاصل و الاعصاب و العضلات .
  • تورم بسبب السوائل فى انسجة الجسم .
  • متلازمة النفق الرسغى .
  • خدر و تنميل فى الجلد .
  • ارتفاع مستوى الكوليسترول .
  • من الممكن انه بيزود من خطر الاصابة بمرض السكرى و المساهمة فى نمو الاورام السرطانية .

نصيحة :

من اللازم عدم اخذ اى جرعة من هرمون النمو من غير الحصول على اذن الطبيب او من خلال اى صورة غير مشروعة لان ادوية HGH بيتم تزويرها و بيكون ليها تاثيرات خطيرة على الجسم .

Share.

Comments are closed.