اشترك
Buy Neuth France products

نظامك الغذائى المناسب لفصيلة دمك

0

هل تعرف إن فصيلة دمك لها دور كبير فى تحديد نظامك الغذائى المناسب و أنواع الأكل إللى تخلي صحتك أحسن و تحسسك بالهمة و النشاط ؟

دى حقيقة بيأكدها كتير من الأطباء و المهتمين بالصحة لأن الأكل إللى بتاكله بيتفاعل كيميائيا مع نوع الدم الموجود فى جسمك ، لو اتبعت نظام غذائى مناسب لفصيلة دمك ، معدتك هتهضم الطعام بكفاءة أكتر و هتكتسب طاقة و تزود مناعتك ضد الأمراض المختلفة

فصيلة الدم  (O):
لو فصيلة دمك (O) فنظامك الغذائى المناسب هو النظام المعتمد على البروتين فى اللحوم الحمراء و الدواجن و الأسماك و الخضروات و الفواكه ، مع التقليل من تناول منتجات الألبان  والحبوب لأنها تبطئ عملية التمثيل الغذائى ، و من الممكن تتناول بعض المكملات الغذائية عشان تتغلب على ألام المعدة و بعض المشكلات الأخرى إللى بيكون أصحاب فصيلة دم (O) معرضين للإصابة بها

فصيلة الدم (A) :
لو فصيلة دمك (A) فنظامك الغذائى المناسب هو النظام الخالى من اللحوم لأن اللحوم بتخزن كدهون فى الجسم عند أصحاب الفصيلة دى واعتمد على تناول الفواكه و الخضروات ، و الحبوب الكاملة و البقوليات و يفضل تناول الطعام الطازج والخالى من الإضافات الصناعية ، لأن أصحاب فصيلة دم (A) لديهم جهاز مناعة شديد الحساسية وبيكونوا معرضين للإصابة بأمراض القلب و السكر

فصيلة الدم (B) :
لو فصيلة دمك (B) تجنب تناول الذرة و العدس و الطماطم و الفول السودانى و بذور السمسم و الدجاج لأن الأطعمة دى بتحتوى كمية مختلفة من الليستين , إللى بيأثر على عملية التمثيل , وبيؤدي إلى إختزان الماء في الجسم أو الشعور بالتعب والإرهاق و هبوط في مستوى السكر في الدم ، عشان كدة يفضل تاكل كميات صغيرة من الطعام عشان تحافظ على مستوى السكر معتدل في الدم ، و ركز على الخضروات الخضراء و البيض و اللحوم الحمراء ومنتجات الألبان قليلة الدسم

فصيلة الدم (AB) :
لو فصيلة دمك (AB) ركز على اللحوم البحرية و الخضروات و منتجات الألبان ، تجنب المنتجات المحتوية على الكحول و الكافيين واللحوم المدخنة أو المصنعة ، لأنها تهضم ببطء شديد وتخزن في الجسم كدهون ،  أصحاب فصيلة دم (AB) ممكن يصابوا بسهولة بانخفاض حمض المعدة المسئول عن قتل الجراثيم

Share.

Comments are closed.