اشترك
like Sofy on Facebook

نصايح لأمهات الأطفال الأنتقائيين “Picky Eaters”

0

اولادنا في المدرسة بيبذلوا مجهود كبير بين المذاكرة واللعب، وجسمهم بيحتاج لعناصر غذائية كتير . لكنهم بيرفضوا نوعيات كتيرة ومفيدة ليهم، لو عايزة تعرفي إزاي تقدري تمدي جسمهم بكل اللي محتاجينه، إقري معانا الموضوع ده.

لازم كل أم تكون عارفة إن مرحلة رفض طفلك لكتير من الأطعمة حالة عارضة وهتعدي مع مرور الوقت، وتقدري تغيري الموضوع ده لو اتبعتي النصايح دي :

  • متخليش ميعاد الأكل وقت للشجار : قدمي حاجات مختلفة في كل مرة لأن الأطفال بيحبوا الأكلات الجديدة. ممكن ابنك يرفض نوع من الأكل مرة او أتنين لكن متيأسيش. مع مرورالوقت هتتغير العادة دي
  • لازم ابنك يأكل بعينه الأول : معظم الخضروات بيرفضها ابنك لأن ليها رائحة وطعم قوي، بيفضل إنه يشوف الأكل قبل ما تعمليه أو تقدميه، ومع المحاولة هيحبه ويطلبه
  • خليه يختار : ممكن ابنك يكون معاكي وقت شراء الفاكهة والخضروات وخليه يختار اللي يحب يجربه
  • قللي من اللبن والمشروبات عامة : لأنها مش بتخليه يحس بالجوع ويقدر يأكل كويس
  • قدمي السكريات الطبيعية : زي الفاكهة المجمدة وممكن كمان التفاح مع زبدة الفول السوداني، ومتخليش الحلويات مكافأة لأي حاجة بيعملها
  • حددي مواعيد لتقديم الوجبات وحتى السناكس : طفلك بيحتاج ل6 حصص من الطعام بين الوجبات والسناكس
  • كم الأكل المناسب لطفلك بيعتمد على حجم نشاطه : لو طفلك نشيط وحركته كتير بيحتاج لكم أكبر من الطعام للطفل اللي في نفس عمره لكن قليل الحركة
  • قدمي الطعام بشكل مشوق : بأشكال والوان مختلفة
  • خليه يساعدك في تحضير الطعام
  • خليكي مثال ليه : لأن الأطفال بيقلدوا الكبار في كل شيء

Share.

Comments are closed.