اشترك
Buy Neuth France products

نصايح تهم المرضى الصائمين

0

جميل جدا إنك تحاول تصوم حتى وانت مريض، بس خلى بالك لازم تستشير طبيبك عشان تتفادى حدوث أي مضاعفات للمرض. دوايا بتقدم شوية نصايح لبعض المرضى الراغبين في الصيام في الموضوع ده.

الاشخاص المرضى لازم يحرصوا اكتر من غيرهم على مد الجسم بالسوائل بكميات كبيرة عشان يخلصوا جسمهم من السموم وميتعرضوش للجفاف.

ولمرضى السكر بنقدم النصايح دي :

  • بالنسبة للي بتعالجوا السكر بتنظيم الأكل بس، لازم يخلوا بالهم من نوعية الأكل ويقللوا قدر الإمكان من الحلويات
  • مستخدمي جرعة واحدة من الأنسولين ممتدة المفعول، بيكون من السهل عيهم أنهم يصوموا لكن، لازم يفضلوا يقيسوا السكر بشكل منتظم لتفادي حدوث هبوط مفاجيء ومراجعة الجرعة مع الطبيب أثناء الصيام, والحقن بالانسولين مباشرة قبل الإقطار
  • مستخدمي الحبوب فقط لتنشيط البنكرياس، ممكن يصوموا مع تناول قرص بعد الإفطار وآخر بعد السحور حسب الحالة المرضية
  • للأشخاص أقل من 20 سنة أو اللي بيحصلوا على اكتر من جرعة للإنسولين لازم يستشيروا الطبيب

بالنسبة لمرضى الكبد :

الصوم بالنسبة لمرضى الكبد مفيد جدا لأنه بيزيد إستهلاك الجسم للمواد المتراكمة فيه وبيعطية حيوية ونشاط أكبر، كمان بيقلل من حدوث تشمع بالكبد

  • أصحاب التليف البسيط بالكبد، ممكن يصوموا
  • أصحاب التليف الشديد بسبب إحتياجهم لتناول الأدوية في مواعيد محددة، صعب عليهم الصوم
  • الالتهاب بالكبد نتيجة الفيروسات زي “بي” أو “سي” يمكنهم الصوم لكن لازم يكتروا من شرب المياه
  • أصحاب دهون الكبد المرتفعة ممكن يصوموا

وكقاعدة عامة لمرضى الكبد :

يفضل تأخير موعد السحور، التقليل من العصاير والتمر اللي مشبعين بالبوتاسيوم،التقليل من كم البوتينات والإبتعاد عن المخللات واللحوم المحفوظة.

بالنسبة لمرضى القلب :

  • لازم الطبيب يقلل الأدوية المدرة للبول
  • أصحاب المشكلات في عضلة القلب والصمامات والشرايين بيصعب عليهم الصوم
  • مهم جدا تناول الخضروات والحبوب والابتعاد عن أي دسامة

Share.

Comments are closed.