اشترك
like Sofy on Facebook

نصائح ذهبية للعناية بالشعر

1

العيد خلاص على الأبواب، وبسبب حر الصيف والصيام أكيد أنتي محتاجة توفري عناية اكبر لشعرك خصوصا لو كنتي محجبة. وعشان تستقبلي العيد بنقدملك نصايح بسيطة للعناية بفروة الرأس.

دوايا بتقدملك نصائح ذهبية للعناية بالشعر :

  • إغسلي شعرك 3 مرات كحد أقصى في الأسبوع : عشان تمنعي الجفاف عن فروة الرأس وفقدان الشعر لزيوته الطبيعية، إحرصي على غسل شعرك بالشامبو المناسب لنوعه وفي كل الأحوال متزوديش عن 3 مرات خصوصا الشعر الجاف والمصبوغ
  • إبعدي عن المية السخنة : المية السخنة هتصيب شعرك بالجفاف وكمان التقصف، إغسلي شعرك بمية دافية ودلكي فروة الرأس كويس جدا عشان تسمحي للدم يتدفق ويغذي بصيلات الشعر
  • قومي بتنشيف الشعر قبل وضع البلسم أو حمام الكريم : المية الكتير بتمنع وصول البلسم أو حمام الكريم للشعر
  • قومي بتسريح شعرك مرتين يوميا من أسفل لأعلى : وخلي بالك إن الشعر بيكون ضعيف ومعرض للتكسر وهو مبلول، فسرحيه برفق وإحرصي دايما على نظافة فرشاة الشعر
  • خلى السشوار على مسافة بعيدة عن شعرك : وبيفضل تنشيف الشعر كويس عشان تقللي تعرضه لسخونة السشوار وخلي الشسوار يتعرض لكل اجزاء الشعر بالتساوي وده عن طريق تقسيم الشعر لأجزاء متساوية قبل إستخدام السشوار
  • لكثافة أكبر لشعرك قومي بتحريكه بيديكي مع قلبه لقدام قبل لبردء في التسريح
  • الشعر المتغطي لازم يتهوى كويس : بيفضل يكون شعرك جاف تماما قبل إرتداء الحجاب عشان تقلل من تكوين قشرة الشعروسقوطه اللي بتنتج عن سوء التهوية مع التعرق
  • إستخدمي منتجات العناية بالشعر اللي بتحتوي على الصبار والأملا : الصبار بيحافظ على نعومة الشعر والأملا غني بفيتامين سي لقوة ولمعان الشعر

ومن الأطعمة المهمة جدا لصحة شعرك :

  • الأسماك : الغنية بالأوميجا 3 لصحة ونعومة الشعر
  • الزبادي : اللي هيمد فروة الرأس بفيتامين ب5 اللي بمنع سقوط الشعر
  • السبانخ : هتوفرلك الترطيب اللزم لشعرك وتمنع عنه التكسر لنها غنية بالحديد، البيتاكاروتين، فيتامين سي وحمض الفوليك

Share.

1 Comment

  1. بعتذر , بخصوص غسل الشعر 3 مرات فقط اسبوعيا ً , الغسيل المقصود به الغسيل بمعنى الكلمة ولا مجرد تخليل الشعر بالماء ؟؟ صرورى الرد ,

    مشكورين