اشترك
Buy Neuth France products

مناعتك زي الحديد

0

إيه هو الجهاز المناعي للجسم ؟

الجهاز المناعي للجسم عبارة عن مجموعة من الخلايا والأعضاء اللي بتحمي جسمك من الإصابة بالعدوى، لما بتقوم بطرد أو تدميرالبكتيريا، الفيروسات والفطريات المسببة للعدوى

الأعضاء الخاصة بالجهاز المناعي بتسمى بالأجهزة اللمفاوياوية، اللي بتنتج اللمفاويات وهي نوع من كرات الدم البيضاء اللي بتتنقل عن طريق الأوعية الدموية لأعضاء الجسم المختلفة، ومن الأعضاء دي:

  • اللحمية الموجودة في الأنف
  • النخاع العظمي
  • العقدأو الغدد الليمفاوية الموجودة في جميع انحاء الجسم على شكل حبيبات صغيرة
  • الأوعية الليمفاوية
  • بقعة باير الموجودة في المعاء الدقيقة
  • الطحال

إزاي الليمفاويات بتقدر تحارب العدوى؟

في نوعين من الليمفاويات:

  • الخلايا B : بتنتج أجسام مضادة تحارب الأجسام الدقيقة اللي بتحمل العدوى
  • الخلايا T : اللي بتنتج السيتوكينات، وهي مواد كيميائية بتقتل الخلايا المصابة بالعدوى جوة الجسم

 

هل ممكن يحصل خلل في الجهاز المناعي ؟

لو الجهاز المناعي مش بيعمل وظيفته بشكل طبيعي، ممكن يصاب الشخص ببعض الأمراض زي:

  • الحساسية
  • أمراض المناعة الذاتية، زي مرض السكري للأحداث، والتهاب المفاصل الروماتويدي، وفقر الدم
  • أمراض نقص المناعة، زي متلازمة نقص المناعة المكتسبة (الإيدز)، ونقص المناعة المركب الشديد

هل في حاجات ممكن أعرف منها إن مناعتي ضعيفة ؟

الإجابة وضحها Dr. Oz   لما تعرف إجابة الأربع أسئلة دول :1340035773143_The-Dr_2x1_Overlay_1280_640_1280x640_20295111

  • هل مرضت مرتين أو أكتر خلال ال6 شهور اللي فاتوا؟
  • لما بتصحى من النوم بتحس بتعب حتى لو نمت فترة كافية؟

لو إجابة السؤالين دول نعم، يبقى مناعتك ضعيفة

 

  • هل تناولت أدوية لعلاج الحموضة لمدة أكتر من 30 يوم ؟

لو عملت كدة، البكتيريا اللي جوة أمعائك هيحصلها ضرر كبير وده هيضعف من مناعتك

  • هل لما بتصحى من النوم بتحس إن مفاصل أصابعك مشدودة أو فيها تشنج؟

لو بيحصل كدة، يبقى جسمك مليات سموم وده بيقلل من مناعة جسمك

 

هل طبيعة الأكل والنوم بتأثر على المناعة؟

طبعا، لو كترت من السكريات، المكرونات والخبز الأبيض هتضر جهازك المناعي لأن الحاجات دي مليانة جلوتين، اللي الزيادة في تناوله بيأثر على البكتيريا المفيدة للأمعاء وبيؤدي للألتهابات بالأمعاء وده بيضعف المناعة

وعدم النوم لفترة مناسبة للجسم بيضر كتير مناعتك

لو عايز تحافظ على مناعتك قوية، إتبع التعليمات دي :

  • حافظ على صحة جهازك الهضمي والبكتيريا الهامة الموجودة فيه
  • حافظ على صحة الكبد بتناول الخضروات الخضراء زي البروكلي، القرنبيط لأنه المسؤل عن تنظيف الجسم من السموم اللي وجودها بياثر على المناعة
  • حافظ على توازن الأدرينالين في جسمك، نام كويس، حاول تبعد عن الضغوط وممكن تساعد نفسك وتتناول الأفوكادو

Share.

Comments are closed.