اشترك
like Sofy on Facebook

من النهاردة ..مفيش سيلوليت

0

السيلوليت هو مشكلة العصر اللى بيعانى منها أكتر من 90% من النساء و البنات حول العالم و بتفقدهم رشاقتهم و مظهر بشرتهم النضر والجذاب وحتى لو كان وزنك مثالى وجسمك ممشوق ممكن أنك تلاقى السيلوليت لأنه مالوش علاقة بوزنك علشان كده أحنا جينا نقدملك شوية حلول تساعدك علشان تتخلصى منه .

اتخلصى من السيلوليت :

  •  ممارسة الرياضة :

 الرياضة واحدة من افضل  الطرق فى التخلص من مشكلة السيلوليت حتى لو مش هتقضى عليه بشكل كامل لكن وجود عضلات قوية هيساعد فى التخلص منه و عدم ظهوره .

  •  تناول الاطعمة الخام :

 تناول الاطعمة الغنية بمنتجات الالياف زى الخضار و الفواكه و الفواكه بدل من الاطعمة المليانة بالكربوهيدرات او اللى سعراتها الحرارية اعلى زى الخبز الكتير و الحلويات و المشروبات الغازية اللى بتزود الدهون خصوصا فى المناطق المعرضة للسليوليت.

  •  فقدان بعض الوزن :

 كونك نحيفة أو ممتلئة الوزن مالوش علاقة بالسيلوليت لكن على الرغم من كده فزيادة الوزن بتخليه واضح أكتر فمن الافضل عمل نظام للتخسيس و يكون بطريقة بطيئة علشان التخسيس السريع بيزود من ظهوره فى الاماكن اللى فقدت الوزن .

  • الاقلاع عن التدخين :

 التدخين بياثر على تدفق الدم للجلد و بيخلى الجلد أكثر عرضة لتكوين السيلوليت و بيزود من ظهوره على الفخذين و الذراعين واسفل الجسم   و بيخلى واضح اكتر .

  • تدليك المناطق المصابة فى الجسم :

 ممكن تستغلى 5 دقائق من وقتك يوميا لعمل مساج لمناطق اللى فيها السيلوليت وقت الاستحمام أو مع وضع الكريم لان المساج هيزود من تدفق الدم وهيساعد فى التخلص من السوائل الزيادة .

  • الكريمات من المستخلصات النباتية :

 استخدام  كريمات مستخلصة من مواد نباتية زى بيخلى الجلد يظهر بشكل اجمل لمدة طويلة زى منتجات الكافيين اللى بتساعد على شد الجسم بصورة افضل .

  •  كريمات الريتنول :

و انت بتدورى على الكريم المناسب خلى كلمة الريتينول مرشد ليكى لأنه بيحسن من مظهر البشرة و ملمسها  وبيتخن الطبقة الخارجية من الجلد وينصح بالمنتجات المضاف ليها الريتنول بنسبة 0.3% .

  •  ممكن تستخدمى جوارب للدعم :

 استخدمى انواع من الشرابات الضاغطة واالى بتساعد على منع السيلوليت من تخزين السوائل و مش بتخلى السيلوليت يظهر بوضوح وممكن الدكتور أوالصيدلى يساعدك علشان تختارى النوع الافضل ليكى .

  • الليزر :

 علاج السيلوليت باليزر فعال جدا لانه بيقوم بعمل تدليك ميطانيكى لمناطق الجسم المتضررة من السيلوليت و بتقلل موجات الطاقة من الطبقات العليا للدهون و بيخليكى تحصلى على جسم مشدود و اكثر رشاقة .

  • السيلوليز cellulaze :

وهو عبارة عن تقنية ليزر جديدة بحيث ان السيلوليز بيمر تحت الجلد ليقوم بالتغيير المطلوب فبعد اجراء التخدير الموضعى  بيقوم الطبيب بادخال الياف الليزرفى الجيوب و تسخين الجسم من الداخل الى الخارج وبيخلى جسمك بعدها اكثر مرونة و يخليكى تتخلصى من السيلوليت .

Share.

Comments are closed.