اشترك
Buy Neuth France products

مفيش أفيد من المكسرات

0

رمضان ليه أكلات وعادات مخصوصة جدا، والياميش بيكون موجود بشكل أساسي في رمضان. المكسرات اللي أنت بتاكلها ليها فوايد متتعدش، إعرفها معانا لما تقرا الموضوع ده

لو نفسك في سناك بين الفطار والسحور، خليه مكسرات عشان متحرمش نفسك من الفوايد دي :

  1. الفستق : 28 واحدة هيوفرولك 100 سعر حراري ودي كمية كافية جدا، هو مكافح للسرطان كونه مصدر غني لفيتامين “إي” و بيحافظ على صحة الجهاز العصبي والعضلات عشان فيتامين “ب6”. كمان بيحسن الحالة المزاجية بصورة كبيرة جدا
  2. الفل السوداني : وده مفيد جدا للحوامل عشان حمض الفوليك وفيتامين “إي” ، حوالي 16 واحدة كفاية قوي
  3. الكاجو : غني بالماغنيسيوم والدهون المفيدة لصحة القلب بس متكترش عن 14 واحدة
  4. اللوز : 12 حبة من اللوز هيمدوا جسمك بالكالسيوم ومضادات الأكسدة وكمان الألياف، واللوز ليه قدرة على محاربة الدهون الضارة بالجسم
  5. البندق : بيحافظ البندق على حيوية ونضارة البشرة، كمان مصدر للدهون الأحادية اللي بتحافظ على صحة القلب وبتساعد مرضى السكر، 12حبة بتقدملك 100 سعر حراري
  6. عين الجمل : مصدر غني بمضادات الأكسدة و الأوميجا 3 لصحة أفضل لقلبك، 5 حبات كافية جدا

وعشان تخزن المكسرات وانت مطمن :

  1. إتأكد إنها جافة، ويفضل إنها تكون محمصة
  2. إحفظها في المطبخ في اكياس محكمة الغلق أو برطمانات من الزجاج لحد 3 شهور
  3. ممكن تحفظها في التلاجة لمدة 6 شهور، أو الفريزر حتى سنة
  4. بيفضل إن المكسرات تكون مش متكسرة ومنغير إضافة ملح

Share.

Comments are closed.