اشترك
like Sofy on Facebook

معلومات تهمك عن ..كارنيفيتا فورت

1

كارنيفيتا فورت واحد من الادوية اللى تصدرت محرك  البحث على الانترنت وواحد من الادوية الاشهر و الاكثر مبيعا فى مصر والمعروف عنه انه  بيزود معدل الخصوبة عند الرجال . هل كارنيفيتا فورت بيسبب اثار جانبية و ايه طبيعة تاثيره على صحة الجسم . تابع معانا الموضوع ده علشان تعرف اكتر عنه .

  • دواء كارنيفيتا فورت :

 بتعتبر مادة l-carnitine  هى المادة الفعالة فيه و هى مادة مغذية وليها دور فعال فى عملية  حرق الدهون و الطاقة بالجسم والجسم بيحصل عليها عن طريق المواد الغذائية وهى بتعمل على نقل الاحماض الدهنية الى خلية الميتوكوندريا واللى بتحولها الى طاقة .

  • انتاجه فى مصر :

الشركة المنتجة للدواء هى شركة لونزا السويسرية 2011 وهو واحد من منتجات l-carnitine  و فى يوم 15 فبراير اعلنت شركة ايفا و شركة لونزا عن تعاقدهما للحصول ترخيص من العلامة التجارية carnipure   وترخيص بانتاج كارنيفيتا فورت فى مصر من خلال شركة ايفا مع الحصول على المادة الفعالة l-carnitine خالصة من شركة لونزا .

  •  دواعى استعمال كارنيفيتا فورت :

 1- الاعضاء و الخلايا اللى بتحتاج لقدر كبير من الطاقة كالحيونات المنوية بتحتوى على نسبة عالية من مادة l-carnitine  اللى بتحتاجها للقيام بوظائفها الطبيعية علشان كدة بنلاقى ان كارنيفيتا فورت فعال جدا فى علاج قلة الحيوانات المنوية و تحسين الخصوبة .

 2- علاج للنقص الاولى الاولى و الثانوى لمادة l-carnitine للبالغين و الاطفال فوق 12 سنة .

  • استعمال كارنيفيتا فورت :

 الدكتور هو اللى بيحدد الجرعة المناسبة لكل شخص على حسب احتياج الجسم و ممكن انه يحتاج عمل تحليل عينة من الدم و البول .

  •  الاعراض الجانبية لاستعماله :

 1- تقلصات  بالمعدة و اسهال .

2- الشعور بالاعياء لفترة بسيطة .

3- تغيير فى رائحة الجسم وده ممكن يخلى الدكتور يقلل الجرعة

4- لو زادت الاعراض عن الحد الطبيعى او حصلت اعراض تانية يفضل استشارة الدكتور و الصيدلى فورا .

  •  موانع الاستعمال :

وجود حساسية للمواد الفعالة او اى مكون من مكونات الدواء .

Share.

1 Comment