اشترك
like Sofy on Facebook

مش كل الكربوهيدرات مضرة

0

في ناس كتير عشان محتاجة تخس او تحافظ على وزنها، بتبعد تماما عن المصادر الغنية بالكربوهيدرات. لكن مهم تعرف إن جسمك في حادة للكربوهيدرات المفيدة، إعرفها معانا وخليها جزء من نظامك الغذائي.

جسمك بيحتاج للكربوهيدرات كمادة بدائية بتتحول لسكر عشان تمد جسمك بالطاقة اللي محتاجها.

أول حاجة لازم تعرفها إن في نوعين من الكربوهيدرات :

  1. الكربوهيدرات البسيطة : وهي بتتكسر وتتحول لسكر بسرعة كبيرة، ودي أنت محتاج تقلل منها
  2. الكربوهيدرات المعقدة : ودي بتأخذ وقت طويل عشان تتحول لسكر في الجسم، وهي أفضل من البسيطة

الاسم العلمي للسكر هو ” سكروز” وعامة ، أي حاجة آخرها ” أوز” بيكون فيها سكر.

الكربوهيدرات موجودة بصورة طبيعية في حاجات كتير زي :

  1. منتجات الألبان : ودي فيها الكربوهيدرات البسيطة ، فحاول تتناولها بحذر
  2. الحبوب الكاملة : زي الخبز الأسمر والأرز البني والفشار، فيهم الكربوهيدرات المعقدة
  3. الفواكه : وأي حاجة مسكرة جواها كربوهيدرات بسيطة، لكن بتحتوي كمان على الألياف ودي بتبطء من عملية تحول الكربوهيدرات لسكر
  4. الصودا : فيها الكربوهيدرات البسيطة
  5. الخضروات الشتوية : زي البطاطا والقرع العسلي، ودول مصدر جيد للكربوهيدرات المعقدة

بس أكيد مش هتقدر تمتنع عن الحاجات اللي فيها كربوهيدرات بسيطة، لكن ممكن نقلل من ضررها عن طريق :

  1. تناول البقوليات زي الفول، الفاصوليا البيضاء لأن الحاجات دي غنية بالألياف اللي هتبطء من سرعة تحول الكربوهيدرات البسيطة لسكر
  2. إستبدال السكر الأبيض بالبني، العسل الأبيض أو الأسود عشان تقلل من السكريات اللي بتخل جسمك
  3. إستبدل كل الحبوب المكررة بالحبوب الكاملة

Share.

Comments are closed.