اشترك
Buy Neuth France products

مش أي هدية و السلام

0

كتير مننا لما جه يشتري هدية لحد, إختار حاجة تكون عجباه و نفسه حد يقدمهاله منغير ما يفكر في زوق الشخص اللي هيقدمله الهدية . بخطوات و شوية معلومات بسيطة هتقدر تقدم هدية لأي شخص و تكون واثق إنها هتنال إعجابه و يفرح بيها جدا.

  • أول حاجة ، تعرف زوق اللي هتقدمله الهدية ، بمعنى تاني أيه الحاجات اللي يحب إنها تتقدمله ” بيحب اللبس، الحلويات، حاجة في الديكور أو حتى زرع”. ولو هو حد مش قريب منك ممكن تعرف ده بكل سهولة من خلال شوية أسئلة في وسط الحوار اليومي أو ممكن تروح مرة معاه “شوبينج” و تلاحظ أكتر الأشياء اللي بتشد إنتباهه أو تسأل حد قريب منه
  • تاني و أهم حاجة إن الهدية تكون مفاجأة، عشان يكون ليها طابع جميل و تؤدي غرضها في إسعاد اللي هتقدمهاله
  • خلي الهدية كأنها معمولة خصيصا للشخص اللي هتقدمهاله من خلال طريقة تقديمك ليها، شكلها يكون جميل و بألوان مبهجة و ياريت كمان لو معاها كارت في كلام ظريف
  • متقدمش ورود كهدية غير لشخص يكون بيحبها وبيقدرها، لأن عمرها قصير أو لو تقدمها كزرع في قصيص فتعيش مهاه فترة طويلة
  • أوعى تقدم لحد “فلوس” هدية، لأن دة معناه إنك مش مهتم بيه ومكنش عنك وقت تتعب نفسك عشانه
  • مفيش حد عنده كل حاجة و مش محتاج أي هدية , لأن إحتياجات الانسان مبتخلصش
  • لو هتقدم هدية لمديرك، بيفضل إنك تشترك مع زملائك و تقدموا كلكم هدية واحدة

Share.

Comments are closed.