اشترك
Buy Neuth France products

!!مستحضرات التجميل ليها ضرر

0

في عالم بيتحكم فيه على حياتك من خلال مظهرك الرائع من خلال مشاركاتك بالصور على Facebook و Instagram ، بيخليكي دايما تهتمي بأنك تكوني في أفضل مظهر في كل وقت

وبالتالي معظم السيدات والفتيات بيستخدموا مستحضرات التجميل دايما، وممكن توصل إنها ماتقدرش تخرج من البيت من غيرها . في الغالب مش بتعاني السيدات والفتيات من الآثار الجانبية السلبية للمكياج لتعودهم على أستخدامه بشكل يومي . لكن لازم تعرفي إن حتى لو مش بتعاني من الأثار السلبية دي دلوقتي في المستقبل هتظهر وهتسبب مشاكل كتير لبشرتك ولجسمك بسبب المواد الكيميائية الموجودة في كتير من منتجات المكياج 

….من الآثار الجانبية السلبية لمستحضرات التجميل اللي بتظهر على مدى بعيد

انسداد المسام وحب الشباب

مستحضرات التجميل مش بتسبب حب الشباب ، لكن بتساعد في ظهوره خصوصا لو بشرتك حساسة . الحبوب هى بصيلات الشعر اتكونت من دهون وخلايا الجلد الميتة مع النشاط الجرثومي. ومستحضرات التجميل بتسد المسام وبصيلات الشعر فبالتالي بيظهر حب الشباب. الأفضل إنك تستخدمي مستحضرات تجميل خالية من الزيوت ومنتجات من ماركات معروفة موثوق فيها

حساسية الجلد

مستحضرات التجميل بتستخدم مواد كيميائية معروفة باسم البارابين كمواد حافظة لمنع نمو البكتيريا فيها.  بتسبب مادة البارابين تفاعلات تحسسية مختلفة زي تهيج الجلد والبقع والعيوب على الجلد. وفي حساسية أخرى معروفة في مستحضرات التجميل هي الساليسيلات اللي ممكن تسبب طفح جلدي مؤلم لو كنت بتعاني من حساسية الجلد

عدوى العين

ماكياج العيون يستخدم على نطاق واسع حتى من قبل النساء اللي مش بيستخدموا ماكياج تقيل . ولكن من المهم أنك تعرفي أن عينيك والبشرة المحيطة بيها هي المنطقة الأكثر حساسية في وجهك. الكثير من الماسكارا والكحل بيمنع نمو الرموش وكمان ممكن يتيح فرصة لوجود بكتيريا اللي ممكن تؤدي للتهيج والالتهابات

الشيخوخة المبكرة

لما بتستخدم مستحضرات التجميل بشكل دائم ، المواد الكيميائية الموجودة فيها بتسبب تلف لبشرتك. ومع مرور الوقت ، ممكن تبدأ في رؤية علامات شيخوخة الجلد زي التجاعيد أو البقع على وجهك. بالرغم إن مستحضرات التجميل بتساعدك على إخفاء أو تغطية العيوب في بشرتك ، لكن تأثيراتها السلبية طويلة الأمد ممكن تؤدي إلى نتائج عكسية

متمنعيش نفسك من إستخدام مستحضرات التجميل ،لكن الأفضل إنه مايكونش شئ أساسي لكل يوم لكن مجرد وسيلة تجميل في أوقات ومناسبات معينة

Share.

Comments are closed.