اشترك
Buy Neuth France products

مرض الروماتيزم

0

مرض الروماتيزم من اكتر مشاكل العظام والمفاصل المنتشرة بين الناس في الوقت الحالي علشان الناس مبقتش تتحرك زي الاول بسبب استخدام الاسانسير والسلالم المتحركة وكمان بسبب القعدة وقت طويل قدام شاشة التلفزيون والكمبيوتر وعلشان الناس مش بتهتم بالمشي وممارسة الرياضة,وبتزيد معاناة مرضي الروماتيزم في فصل الشتا بسبب برودة الجو خصوصا في الايام اللي بتكون برد جدا وبالذات بالليل او الصبح بدري.تابعونا علشان تعرفو ايه هي اسباب مرض الروماتيزم وايه اشهر اعراضه وازاي بيتم تشخيصه وايه هي افضل وسايل علاجه.

ايه هو مرض الروماتيزم:
 هو عبارة عن شعور بالالم بسبب تورمات او التهابات في العظام والمفاصل ومعروف ان النساء عرضة اكتر من الرجالة للاصابة بيه,بعض الامراض الروماتيزمية زي هشاشة العظام بيكون سببها لين وضعف في الكتلة العظمية للجسم،وفي امراض روماتيزمية تانية زي التهاب المفاصل الروماتويدي بتصحل لما الجهاز المناعي بيهاجم المفاصل وده بيسبب تورم للمفاصل,واي مفصل من مفاصل الجسم بيكون معرض للالام الروماتيزمية,وفي انواع كتيرة من الامراض الروماتيزمية لكن احنا هنا هنركز علي اكترها انتشارا بين الناس زي هشاشة العظام والتهاب المفاصل الروماتويدي.

هشاشة العظام:
هي عبارة عن لين وضعف في العظام وده بيسبب ضعف شديد جدا في الغضاريف بمرور الوقت وده بيؤدي لصعوبة في الحركة بالاضافة لشعور بالالم عند الحركة,وده اكيد بيأثر علي مفاصل كتير في الجسم زي الركبة وعظام الفخذ واسفل الظهر والصوابع والرجلين.
اعراض هشاشة العظام:
اعراض هشاشة العظام بتختلف علي حسب المفصل اللي فيه الالم ومن الاعراض دي:
-الم في المفصل .
-تورم في المفصل مع ارتفاع درجة حرارته.
-خشونة في المفصل وصعوبة في تحريكه.
-الم في المشي.
-ضعف في العضلات.
-صعوبة في القعدة وتغيير الوضع.

تشخيص هشاشة العظام:
علشان يتم تشخيص الاصابة بهشاشة العظام ممكن الطبيب يسألك عن تاريخك المرضي وعن الاعراض اللي بتحس بيها وبيبدأ يعمللك فحص,تحاليل الدم بتوضح اذا كان في التهاب في المفاصل او مشاكل صحية تانية بالاضافة لعينة من السائل الخاص بالمفصل اللي بتوضح اساس المشكلة اللي في المفصل.

التهاب المفاصل الروماتويدي:
وده بيكون سببه ان الجهاز المناعي بيهاجم الانسجة الخاصة بيه وده بيسبب تورمات والتهابات متعددة في المفاصل وبيؤدي لتشويه في المفاصل. 

اعراض التهاب المفاصل الروماتويدي:
-الام وتورم في المفاصل.
-بيأثر علي اعضاء تانية زي الرئتين والعينين
-خشونة في المفصل محل الالم خصوصا وقت الصحيان من النوم.

اسباب مرض الروماتيزم:
-وجود خلل في الجهاز المناعي بيخلي الاجهزة المناعية في الجسم تهاجم بعضها وده بيسبب ضعف شديد في المفاصل.
-التعرض للبرد وقت طويل.
-القعدة في التكيف باستمرار في الصيف.
-قلة الحركة وممارسة الرياضة.
-ضعف العضلات.

طرق علاج مرض الروماتيزم:

علاج مرض الروماتيزم بياخد وقت طويل وبيحتاج صبر من المريض .
لو بتعاني من الام الروماتيزم وعايز تحس بتحسن اتبع النصايح دي:
-الراحة قدر الامكان وبلاش شيل الحاجات التقيلة.
-ممارسة الرياضة خصوصا اللي بتقوي الضهر والحفاظ علي وزن مناسب.
-التغذية السليمة والاهتمام بالمأكولات الغنية بالكالسيوم والبروتين.
-بلاش التعرض للبرد الشديد او لهوا التكييف مدة طويلة.
-بلاش في الشتا لبس الملابس وهي لسة متشالة من علي الحبل لانها بتكون ساقعة من هوا الشتا.
-يفضل لبس الملابس التقيلة او الصوف في الشتا لانها بتخفف من الشعور بالبرد.
-العلاج الدوائي زي مضادات الالتهاب اللي بتخفف الشعور بالالم وحقن الكورتيزن اللي بتتاخد في حالة اذا كان الالم في مفصل واحد.

Share.

Comments are closed.