اشترك
Buy Neuth France products

مرض البواسير

0

كتير بنسمع عن مرض البواسير لكن في ناس من اللي عندهم المرض ده ميعرفوش ايه هي اسبابه ولا ازاي بيتم تشخيصه ولا اي هي افضل طرق علاجه . تابعونا علشان تعرفو ايه هو مرض البواسير وايه هي اسبابه وازاي بيتم تشخيصه وايه هي احسن وسايل علاجه وازاي تتجنبوه.

ايه هو مرض البواسير:
هو عبارة عن تورم الاوردة في قناة الشرج وبالرغم من ان الحكاية دي مؤلمة لكن هي مش بتعتبر خطيرة,الاوردة ممكن يحصللها ورم داخل القناة الشرجية ودي بيبقي اسمها البواسير الداخلية,ومن الممكن انها تورم بالقرب من فتحة الشرج ودي بيقي اسمها البواسير الخارجية.ومن الممكن ان الشخص المصاب بالبواسير يكون عنده النوعين والتشخيص والعلاج بيختلف علي حسب نوع الحالة.

ايه هي اسباب مرض البواسير:
-الضغط الشديد علي الاوردة في منطقة الحوض والمستقيم
-القعدة فترة طويلة اللي بتسبب ورم الاوردة.
-الحمل عند المرأة بيسبب ضغط شديد علي الاوردة في منطقة الحوض .
-زيادة الوزن اللي بتضغط علي الاوردة في منطقة الحوض.
-عوامل الوراثة.

اشهر اعراض البواسير:
-صعوبة والم في البراز.
-نزيف بعد التبول في حالة البواسير الداخلية.
-الم في فتحة الشرج.
في حالة البواسير الخارجية:
بتحصل لما بيكون في التهاب شديد في اوردة المستقيم او فتحة الشرج بسبب الضغط علي المنطقة دي وفي الغالب بتكون تحت الجلد المحيط بالشرج.
في حالة البواسير الداخلية:
عبارة عن تدليات غير طبيعية في الاوردة المصابة في الجزء السفلي من المستقيم ودي مش بتكون ظاهرة زي البواسير الخارجية.
ازاي بيتم تشخيص مرض البواسير:
بالنسبة للبواسير الداخلية:بيتم فحصها من خلال جهاز المنظار الشرجي.
بالنسبة للبواسير الخارجية:بيتم تشخيصها من خلال معاينة خارجية لمنطقة الشرج.

ايه هي العوامل اللي بتزود من خطر الاصابة بالبواسير:
-الامساك او الاسهال المستمر.
-زيادة الوزن.
-وجود تاريخ عائلي للاصابة بالمرض.
-التقدم في العمر.
-الحوامل اكتر عرضة ليه.
-الاصابة بمرض الكبد او القلب او الاتنين مع بعض.

علاج مرض البواسير:
-ممكن يتم علاج مرض البواسير بدون تدخل جراحي من خلال:
-الحفاظ علي وزن مناسب وممارسة الرياضة والبعد عن مسببات السمنة.
-بعض الاكلات زي الموز والبصل والباذنجان والبندق.
-الاهتمام بنضافة منطقة الشرج وتجفيفها بالراحة.
-لو البواسير سببها مرض تاني زي القولون او الامساك فلازم علاج المرض ده الاول علشان يتم علاج البواسير

امتي بيكون في ضرورة للتدخل الجراحي لعلاج البواسير:
في حالة الشعور بألم شديد مصحوب  بنزيف اثناء التبول بيكون في ضرورة للتدخل الجراحي.

التدخل الجراحي بيكون عبارة عن ايه:
بيتم وضع رباط مطاطي حوالين قاعدة الباسور ودي عملية مش مؤلمة لكن بتتطلب شوية زيارات للطبيب علشان يتابع الحالة،وممكن استخدام دباسة دائرية لازالة نسيج الباسور وقفل الجرح ودي برضه مش مؤلمة وايا كانت طريقة الجراحة فالمريض بيرجع بيته عادي في نفس اليوم بس بيحتاج انه يزور الدكتور علشان  يطمن علي الحالة.
بعد الجراحة:
ممكن الدكتور يوصف للمريض شوية مسكنات للالم ولازم المريض ياخدها بانتظام وممكن المريض يحط قطع تلج صغيرة علي منطقة الشرج لانها بتساعد علي تخفيف الالم .
ازاي نتجنب الاصابة بالبواسير:
-بلاش القعدة وقت طويل لانها بتشكل ضغط علي منطقة الحوض والشرج.
-ممارسة الرياضة بانتظام والبعد عن السمنة.
-الاهتمام بنضافة منطقة الشرج باستمرار.

Share.

Comments are closed.