اشترك
Buy Neuth France products

مخاطر وضع اللاب توب علي الارجل

0

استخدام الكمبيوتر المحمول(اللاب توب) اصبح منتشر وشائع جدا حاليا بين ناس كتير لانهم بيستخدموه في امور خاصة بشغلهم وكمان علشان يتواصلو بيه مع الاخرين علي مستوي العلاقات الاجتماعية،بس للاسف ناس كتير مش بيكونو واخدين بالهم كويس من مسألة انهم يستعملو اللاب توب بشكل صحي ميسببش ليهم مشاكل صحية في حياتهم. تابعو معانا المقالة دي علشان تعرفو ايه هي اضرار وضع اللاب توب علي الرجلين وازاي تستعملوه صح من غير مايضركم.

ممكن اثناء وجودك برة البيت يكون من الصعب انك تحط اللاب توب باعك علي ترابيزة او اي سطح فبتحطه علي رجليك لكن ده مش صح.
ايه هي اضرار وضع اللاب توب علي الرجلين:
-الحرارة الصادرة من شاشة اللاب توب اللي بترتفع جدا مع استخدامه لفترة طويلة ممكن تتسبب في حدوث حروق للجلد او ان الجلد
يتغير لونه للون الداكن وفي قليل من الحالات ممكن يتسبب في الاصابة بسرطان الجلد.
-مسألة وضع اللاب توب علي القدمين مش صحية لمفصل الرقبة والظهر والعمود الفقري لان مستخدم اللاب توب لو وضعه علي قدميه هينحني اثناء استخدامه ومع الاستمرار علي الوضع ده ممكن تسبب الم واعوجاج للرقبة والظهر والعمود الفقري.
-الحرارة المنبعثة من اللاب توب بتأثر علي عملية انتاج الحيوانات المنوية وده بيؤثر علي قدرة الرجل علي الانجاب وفي بعض الاحوال
ممكن يوصل للعقم(لكنه ملوش تأثير علي قدرة المرأة علي الانجاب)

ازاي تحمي نفسك من حرارة اللاب توب:
-خاللي بالك من مروحة اللاب توب انها دايما تكون شغالة كويس واهتم بصيانتها علشان اللاب توب ميسخنش اكترمن اللازم.
-اهتم علي قد ماتقدر انك ماتحطش اللاب توب في مكان درجة حرارته عالية(اهتم بمستوي تهوية المكان اللي فيه اللاب توب وابعده
عن اشعة الشمس واي مصدر للحرارة)
-يفضل انك متستخدموش مدة طويلة سيبه شوية يهدأ علشان مايسخنش وكمان علشان تريح عينيك.

ازاي تستعمل اللاب توب صح:
-بلاش تحطه علي رجليك ابدا ،ممكن تحطه علي ترابيزة لان ده افضل ليك.
-لو كان من الصعب انك تحط اللاب توب علي ترابيزة لو كنت مش في البيت فمن الافضل انك تحط مخدة علي رجليك وتحطه عليها
لانها بتحمي رجليك من حرارة اللاب توب.
-خلي دايما وضع ظهرك مستقيم لان ده افضل لظهرك ولعمودك الفقري وبيحميه من الاعوجاج.
-يفضل انك متركزش بصرك عليه طول الوقت ممكن تقوم تحرك رجليك من وقت للتاني علشان ظهرك ميوجعكش وعلشان تريح عينيك من اثر الاشعاعات المنبعثة منه.
-اهتم بمستوي اضاءة المكان اللي فيه اللاب توب علشان عينيك متوجعكش.

Share.

Comments are closed.