اشترك
like Sofy on Facebook

متلازمة داون

0

بيستنى الأب والأم بفارغ الصبر وصول أبنهم للدنيا وبيحلموا فى كل لحظة ياترى شكله هيكون أيه وشكل ضحكته هيبقى عامل ازاى و أمتى هيشوفوه و هو بيلعب مع أصحابه لكن كل ده بيتحول لصدمة وقت ما بيسمعوا من الدكتور أن طفلهم بيعانى من متلازمة داون ومش هيقدر يعيش حياته بشكل طبيعى و هيحتاج بأستمرار لرعاية و أهتمام من نوع خاص , أعرف معانا أيه هى متلازمة داون ؟و أيه أسبابها ؟و يعنى أيه طفل عنده متلازمة داون ؟ و ازاى يتعامل الأب و الأم مع الطفل المصاب بمتلازمة داون ؟

سميت بمتلازمة داون نسبة للطبيب البريطانى لانجدون داون اللى نشر بحثه سنة 1866 ووصف فيه مجموعة من الأطفال اللى بيتشابهوا فى الصفات الخلقية وبكدة أنفصلت المجموعة دى عن بقية الأطفال المتخلفين فكريا لأسباب أخرى و بتمثل متلازمة داون حوالى 10% من حالات الاعاقة العقلية .

  • متلازمة داون :

هى خلل صبغى فى الخلايا فى الكروموسوم رقم 21 ليكون مجموع الكروموسومات فى الخلية 47 بدل من 46 و بيحصل منه 3 أنواع :

     1- الثلث الحادى و العشرين :

ثلاثى 21 وده بتمثل نسبته 95% من المصابين بمتلازمة داون و ناتج عن زيادة الكروموسوم 21 ل 3 نسخ فى الخلية بدل نسختين .

      2- الأنتقال الصبغى :

 الانكسار وبيحصل نتيجة انكسار فى كروموسوم 21 وبيلتصق بكروموسوم آخر .

     3- النوع الفسيفسائى :

الخليط وده بينتج عن خلل فى بعض خلايا الجسم و ليس كلها بحيث ان بيحتوى جزء على 47 كروموسوم و البعض الآخر على 46 كروموسوم .

بعض العوامل اللى بتزود من أحتمال حدوث متلازمة داون :

لغاية دلوقت مش معروف أيه هو السبب اللى بيسبب التغيير اللى بيحصل فى الجينات لكن فى شوية عوامل بتزود من أحتمال الأصابة بمتلازمة داون :

1- زيادة سن الأم أثناء الحمل عن 35 سنة .

2- زيادة سن الأب عن 40 سنة .

3.اذا كان هناك تاريخ فى العائلة للاصابة من قبل بمتلازمة داون .

أعراض متلازمة داون :

بيكون فى بعض الخصائص اللى بتميز الأطفال المصابيين بمتلازمة داون زى :

– ميل زاوية العين مع وجود طيات للجلد كثيرة من الزاوية الداخلية لها.

– صغر حجم الأذن.

– يد عريضة قصيرة .

– رقبة قصيرة و رأس صغيرة  .

– ضعف العضلات  و مفاصل مرخية بحيث يسهل تحريكها فى أى اتجاه.

– قدم عريضة مع قصر الأصابع .

– تأخر فى النمو و التطور العقلى و الفكرى و الحركى و اللغوى .

– نسبة كبيرة من الأطفال المصابين بمتلازمة داون بيولدوا و هما بيعانوا من مشاكل طبية تانية زى مشاكل فى القلب أو فى الأمعاء أو الأذنين أو

مشاكل فى التنفس .

تشخيص متلازمة داون :

– ممكن أن يتم تشخيص متلازمة داون فى خلال فترة الحمل عن طريق بعض الفحوصات زى فحوصات الدم واللى ممكن تبين نتائج خاطئة أحيانا لكن الفحص اللى بيحدد بشكل أكيد أصابة الطفل بمتلازمة داون أو لا  على الرغم من خطورته النسبية هو فحص النمط النووى (karyotype) .

– ممكن يتم تشخيص الأصابة بعد الولادة  على طول وبيقدر يحددها الدكتور بمجرد النظر للمظهر الخارجى للطفل و الفحص الجسدى ومن الممكن أنه يعمل بعض الفحوصات للتأكيد .

التعامل مع الطفل المصاب بمتلازمة داون :

 – للأسف لا يوجد أى علاج لمتلازمة داون لأنها بتستمر مع الطفل مدى الحياة لكن ده مش معناه أن المتابعة مع الدكتور مش مهمة لا طبعا عادة الأطفال المصابين بمتلازمة داون بيكونوا بيعانوا من أمراض تانية و مشاكل صحية وده اللى ممكن يتعالج بالمتابعة المستمرة مع الدكتور وخصوصا لو فى سن صغير والفحص الروتينى كل 6 شهور أو سنة بيساعد فى حماية الطفل من أى مضاعفات و اجراء أى جراحة بشكل مبكر فى حالة الأحتياج ليها .

– بيقدم الطبيب نصيحة بخصوص برنامج المعالجة الملائم للطفل ومناسب لنموه و تطوره سواء برنامج للعلاج الطبيعى أو من برامج معالجة النطق واللغة .

 – المفروض على الأم و الأب اللى عندهم طفل مصاب بمتلازمة داون أنهم يقدموا له كل الحب و الرعاية و الحنان اللى بيحتاجهم .

 – الطفل المصاب بمتلازمة داون هو طفل حنون ودائم  الفرحة وعنده مواهب خاصة و فريدة من نوعها بس هيحتاج من الأب و الأم شوية تعب علشان يساعدوه على أكتشافها  و يتابعوا لو فيه مراكز تدريبية و أساليب متطورة تساعده فى التعليم .

 – ضرورى لأى أب وأم عندهم طفل مصاب أن يعرفوا  كل حاجة تخصها و تخص التعامل مع الطفل و معرفة جميع حقوقه المادية .

Share.

Comments are closed.