اشترك
Buy Neuth France products

ليه لازم تشرب مية

0

كلنا بنسمع عن أهمية المية، وإننا لازم نشرب 8 أكواب في اليوم. معلومات كتير عن المية بنقدمهالك لما تقرأ معانا الموضوع ده.

المية هي من أساسيات الحياة، بتشكل حوالي 60% من وزنك وكل أجهزة جسمك بتعتمد في عملها على المية، فهي بتطرد السموم من الجسم، وبتوصل الغذاء للخلايا وبتوفر بيئة رطبة للأذن، الأنف والحلق. ومن اهم وظائف المية :

  • بتضبط حرارة الجسم
  • بترطب الانسجة داخل الجسم
  • بتعمل على ليونة المفاصل
  • بتمنع الإمساك
  • بتساعد الكبد والكلى في التخلص من السموم
  • بتساعد على ذوبان المعادن والمواد المغذية عشان تكون سهلة الوصول للجسم

في معلمومة بتقول إن جسمك بيحتاج لحوالي 8 أكواب من المية…هل الكلام ده صحيح ؟

الكلام ده مش صحيح، إحتياج الجسم للمية بيرتبط بشوية عوامل منها :

  • عمرك
  • حالتك الصحية
  • وزنك
  • الجهد البدني اللي بتبذله
  • لو بتمارس رياضة
  • طبيعة الجو اللي عايش فيه

وفي الغالب بتترواح كمية المية اللي بيحتاجها الجسم من 2ل3 لتر في اليوم بحد أدنى كوبين وهي كمية قريبة من ال8 أكواب وممكن يكون مصدرها ماكولات أو مشروبات بجانب المية, ولازم تعرف المرأة الحامل واللي بترضع إنها بتحتاج كمية أكبر من غيرها من المية

وأفضل الأوقات لشرب المية هي : أول ماتصحى، قبل الأكل, قبل الاستحمام، وقبل النوم

هل شرب المية الدافية ليه فوائد ؟

المية الدافية تعتبر علاج للصداع، التشنجات العضلية  لأنها بتساعد على سرعة ضخ الدم للعضلات .وكمان بتساعد في التخسيس ومقاومة علامات تقدم السن لأنها بتعمل على إزالة السموم من الجسم

هل الزجاجات البلاستيكية آمنة لشرب المية ؟

بيفضل شرب مية الصنبور ، ولو شربت أي نوع من المشروبات في زجاجات بلاستيكية زي المية المعدنية أو المشروبات الغازية لازم ترميها وأوعى تستخدمها مرة تانية لأن البلاستيك ممكن يتفاعل مع المية وينتج مواد سامة زي ال” ديوكسين” اللي بيسب السرطان

Share.

Comments are closed.