اشترك
like Sofy on Facebook

!!ليه الصوم مفيد

0

من آلاف السنين ، كان البشر بيعتمدوا على الصيد علشان يوفروا لنفسهم أكل ، وكان ده سبب إنهم ياكلوا على فترات متقطعة ؛ لما كانوا بيصطادوا حيوان كبير ، كانت القبيلة بتاكلوا لعدة أيام ، وبعدها يفضلوا يوم أو يومين بكمية أكل قليلة أو من غير أكل لغاية  لما يصطادوا حيوان تاني

في العالم الحديث ، أقصى كمية ممكن الناس تقللها في أكلها هي وجبة واحدة خلال اليوم ، وده لأن في أعتقاد الناس إن الألتزام بالثلاث وجبات أمر مهم جدا لصحة الإنسان ، مع إن كميات السعرات الحرارية المستمرة في الواقع بتسبب العديد من المشاكل

بعض العلماء بيقولوا إن أجسامنا تحتاج إلى فترات راحة من تناول الطعام من أجل صحة أفضل ،وده لأنهم بيقولوا إن الصوم ليه فوائد صحية كتير للجسم من ضمنها

الصوم المتقطع يعزز من وظائف المخ ، وبيحمي من خطر الإصابة بمرض الزهايمر، ويجعلنا نعيش أطول لأنه بيساعد في تسريع تجديد خلايانا أحد العلماء قال إن الصوم  بيحسن وظائف المخ عن طريق تحديها ، بمعنى إن مخك بيستجيب لتحدي عدم تناول الطعام عن طريق تنشيط المسارات اللي تساعده على التعامل مع التوتر ومقاومة الأمراض .                      الصوم المتقطع يعزز نمو الخلايا العصبية ، وبيقوي المشابك العصبية الكيميائية ،ويزيد من إنتاج الخلايا العصبية الجديدة ؛ ويزيد الصوم من عدد الميتوكوندريا في الخلايا العصبية ، اللي بتحسن الإدراك والذاكرة والمزاج

– لما بنصوم ، يبتدي الجسم في حرق الدهون بدل الجليكوجين (السكر) اللي بيتخزن في الكبد عشان يوفر للجسم الطاقة؛ وبالتالي ممكن يساعدك أنك تفقد بعض الوزن لما تتناول ثلاث أو أربع وجبات في اليوم ، الجسم بيستمر في حرق مخازن الجليكوجين في الكبد ؛ والجسم مش هيبتدي حرق الدهون غير لما يستهلك كل مخازن الجليكوجين . ولما يتحول جسمك ومخك لحرق الدهون بدل السكرأثناء الصوم ، بيسبب عادة إحساس بالصداع خصوصا في الأيام الأولى

– شيء ما في الصوم بيخلق حماية للجينات ، وده عن طريق تنشيط الخلايا الجذعية وخفض عدد الخلايا المناعية مؤقتًا أثناء الصوم ، ولما نبدأ في الأكل مرة أخرى ، تبدأ الخلايا الجذعية المنشطة بالعمل لخلق خلايا مناعية جديدة. وبعد مرور يومين فقط ، يقوم جسمك بإعادة برمجة نفسه تماما

 دراسات تبين أن الصوم يقلل بشكل كبير من عوامل الخطر المرتبطة بالسكري والسرطان وأمراض القلب

Share.

Comments are closed.