اشترك
like Sofy on Facebook

ليه أطفالك بيصابوا بالدودة الدبوسية

0

الدودة الدبوسية هي اكتر انواع عدوى الأمعاء شيوعا، اعرفوا اسبابها وطرق الوقاية منها.

إيه هي الدودة الدبوسية ؟

هي دودة رقيقة بيضاء اللون طولها بين5 ل 13 سم، بيصاب بيها الأطفال في المدرسة ومعظم الأشخاص المصابين بيها مش بتظهر عليهم أي أعراض ولو ظهرت بتكون مجرد حكة في منطقة الشرج مع صعوبة في النوم.

وسبب الحكة دي إن الدودة بتقوم بوضع آلاف من البيض في ثنايا منطقة الشرج

إيه هي طرق نقل العدوى ؟

استنشاق أو بلع بيض الدودة الدبوسية من خلال الأطعمة والمشروبات الملوثة هو اللي بيسبب العدوى، ولو كان الطفل بيعاني من الحكة، بينتقل البيض للأظافر وبعد كدة اللعب وأي حاجة يمسكها بإيده . كمان ممكن ينتقل من خلال استخدام التواليت مع شخص مريض.

هل ليها مضاعفات ؟

في الغالب لا، إلا لو تركت دون علاج ممكن تنتقل للجهاز التناسلي للسيدات والبنات وده هيؤدي لحدوث التهابات شديدة في المهبل وبطانة الرحم

والعلاج ؟

بيقوم الطبيب بعد التشخيص بوصف الأدوية المضادة للطفيليات بتحتوي على مادة ميبيندازول والبيندازول (البينزا)

وإزاي نقدر تحمي نفسنا من العدوى ؟

عند وجود شخص مصاب بالعدوى بيلزم :

  • غسل اليدين صباحا للتخلص من البيض العالق في الأظافر
  • منع الأطفال من الحكة في منطقة الشرج
  • الأهتمام بتغيير الملابس الداخلية يوميا وملايات السرير وغسلها بماء ساخن
  • غسل اليدين قبل الأكل أو الشرب بماء دافيء

Share.

Comments are closed.