اشترك
like Sofy on Facebook

لو طفلك بيعانى من ADHD

0

طفلك بأستمرار بيعانى من صعوبة فى الأندماج فى المدرسة أو الأستفادة من المدرسين؟بتسمع كتير عن طفلك أنه مشاغب؟ بتحس أن طفلك مش بيقدر يركز لفترة طويلة وعلطول تركيزه بيتشتت بحاجات صغيرة؟طيب سمعت قبل كده عن حاجة أسمها ADHD أوقصور الأنتباه و فرط الحركة؟

  • قصور الأنتباه و فرط الحركة(ADHD) هو حالة نفسية بيتعرض لها الطفل و بتبدأ فى مرحلة الطفولة وبتسبب ليه مشاكل فى التركيز وفى أنه يعرف ينظم وقته ومش بتكون ابدا غلطته انه بيقضى وقت كبير وهو بيحاول يحل واجباته و مش بيقدر فى النهاية لأن من واجبك عليه كأب أو أم انك تساعده فى انه يتغلب على مشكلته ويتعامل بشكل منظم.
  • هيحتاج طفلك روتين يومى و شوية تركيز معاه علشان يحل واجباته فخد بالك أنك لازم تبعد عنه أى حاجة بتشتت تنبيه فى وقت حل الواجب زى الحيوانات الأليفة و اخواته والتليفزيون و الكمبيوتر و أى العاب وخلى قدامه الحاجات اللى بتساعده و هتخليه يقدر يركز زى الأقلام و الورق و كتبه و أى حاجة ممكن تساعده أنه يركز.
  • ساعد طفلك فى أنك تجهز له نتيجة كبيرة بأشكال مختلفة ومميزة و تعلقها قدامه فى مكان واضح فى البيت بحيث أن الطفل يشوفها أكتر من مرة فى اليوم و حدد له  المهام اللى عليه أنه يعملها وممكن تستخدم ألوان مميزة لكل مهمة بأستمرار ولأوقات الراحة .
  • حاول أنك تتقابل مع مدرس طفلك وياريت لو قبل الدراسة علشان تظبطوا خطة للطفل فى حل الواجبات ومتابعة مذاكرته والأفضل كمان أنك تفضل متابع معاه حتى لو من خلال الايميل .
  • عمل جدول يومى للطفل محدد وقت لكل حاجة بيحتاجها طفلك زى عمل الواجبات ووقت للغذاء و العشاء ووقت اللعب والراحة ووقت للنوم وحتى لو منجحش الجدول من أول مرة يتكرر معاه تانى لأنه هيساعدوا فى التركيز .
  • طالما أن الواجب صعب على طفلك تقدر توفر له مكافئة أو هدية بعد ما يحلوا و مش شرط انها تكون كبيرة انما المهم انك تلتزم وتنفذ اللى اتفقتوا عليه بمجرد ما يخلص واجبه زى مثلا قصة بيحبها او تسمح له بوقت على الكمبيوتر أو التليفزيون .
  • مع مرور الوقت لما يكبر طفلك وتزيد معاه واجباته و يطلب منه عمل أبحاث و أفكار مختلفة و مشاريع اللى هتبقى صعبة عليه تقدر تساعده أنه يقسمها على جدول و أكتر من يوم لأن حتى المراهق لو بيعانى منADHD   هيحتاج شخص يساعده فى تنظيم وقته.
  • ممكن تستخدم المنبه أو الstop watch علشان يتابع لما الوقت المخصص لحاجة  يكون خلص ويقدر يحسب وقته بنفسه بدل ما الوقت يسرقه.
  • لو طفلك نسى أوراقه فى المدرسة أو فوضوى فى ترتيب أوراقه تقدر أنك تساعده بطريقة بسيطة زى أنك تحفظ كل مادة فى دوسيه أوحافظة بألوان مميزة ليها,وجهز ليه حل بديل لو كان ناسى أوراقه وحاول أنك تتواصل مع مدرسه.
  • عادة أن كل الأطفال بيحبوا الثناء و التشجيع فلازم أنك تلاحظ نجاح طفلك حتى لو كانت انجازات بسيطة شجعه بأستمرار لأن النجاحات الصغيرة دى هتتحو لأنجازات كبيرة.
  • لو حسيت أن طفلك بينجز فى مواد وبيبقى بطىء فى مواد تانية فخليه يوزع الوقت ما بينهم بشكل متتابع وخليه يبدأ من الأسهل وبعدين الأصعب وبعدين يرجع للسهل تانى بحيث أنه ما يحسش بضغط أو ملل.
  • عمل مكآفات كبيرة بالذات للمراهق ممكن يجى بنتيجة عكسية لو كان من الصعب تحقيقها انما لما تتجزاء لمهمات صغيرة بجوائز صغيرة فورية فده بيبقى أفضل.
  • لو كلن طفلك بيواجه أصلا صعوبة فى أنه يعرف ازاى ممكن يجهز واجباته أصلا ممكن تساعده أنك تشرحله ازاى يجهزه و تكتبها فى ورقة تخليها قدامه بأستمرار علشان يراجعها علطول.
  • خلى دائما أخر خطوات فى تحضير الواجب سهلة وواضحة زى انه يحط الواجبات فى الشنطة لما تخلص لأن كل ما هتكون أوضح فى تعليماتك كل ما ده كان أفضل.
  • فى المراحل الأنتقالية أو فى تغيير المدرسة هيكون صعب على طفلك فى الأول أنه يقدر يتابع ويركز فى دروسه فخصص فى الفترات دى وقت ليه علشان تساعده و تخلصه الواجبات سوا.

Share.

Comments are closed.