اشترك
Buy Neuth France products

للي مش بيحبوا الألبان ……. مصادر غنية بالكالسيوم

0

كتير من الناس مش بتحب منتجات الألبان أو بتعاني من حساسية منها وبالتالي مش بيحصل جسمها على الكم اللي محتاجه جسمه من الكالسيوم الهام جدا للعظام . بنقدملك مصادر غنية بالكالسيوم في الموضوع ده.

الكالسيوم مش بس هام للعظام ، لكنه بيساعد في الحفاظ على الأوعية الدموية بالجسم ، بينظم ضغط الدم وبيمنع رفض الجسم للإنسولين اللي ممكن يؤدي للإصابة بمرض السكر.

بيحتاج الفرد في عمر 19-50 سنة حوالي 1000مجم من الكالسيوم يوميا، وفي مصادر غير منتجات الألبان غنية بالكالسيوم زي :

  • الفاصوليا البيضاء: كمان هي غنية بالحديد ممكن تضيفها لسلطة الحمص لو مش بتحب طعمها
  • الخضروات و الورقيات : زي الكرنب، اللفت، البروكلي،الخرشوف والقرنبيط
  • الأسماك : خصوصا السالمون والسردين وهما كمان مليانين ب”الأوميجا 3″ و فيتامين “د” اللي بيساعد علي إمتصاص الجسم للكالسيوم
  • اللوز: وهو مفيد للدايت لأنه قليل جدا في السعرات الحرارية وممكن تستخدمه “سناك”
  • التين : هو كمان مصدر قوي للألياف ومضادات الكسدة
  • العسل الأسود : اللي ممكن تستخدمه كتحلية بدل السكر، وهو كمان مصدر للحديد وكتير من الفيتامينات
  • السمسم : اللي بيقلل من ضغط الدم والإلتهابات وبيحارب أنواع كتير من السرطان

Share.

Comments are closed.