اشترك
like Sofy on Facebook

لكل أم …… إحمي رضيعك من منتجات الحبوب

0

كتير من الأمهات بداية من الشهر الرابع بتقدم لطفلها الأرز أو أي من الحبوب كوجبة بجانب اللبن. لكن في الحقيقة ده بيمثل ضرر كبير على صحة طفلك. إعرفي معانا الأسباب و إيه هو أنسب وقت لتقديمها لطفلك.

ليه لازم الأم تتجنب إعطاء طفلها منتجات الحبوب ؟

  • عشان الجسم يقدر يهضم الحبوب، بيحتاج لإنزيم ال ” أماليز” ، والأنزيم ده بيتم إفرازة في الفم مع اللعاب من سن 6 شهور لكنه غير كافي لهضم الحبوب دي. ما بين 13ل19 شهر بيتم إفراز النزيم ده من البنكرياس وبكدة بيقدر الجسم يهضم الحبوب بصورة طبيعية
  • الحبوب غير المهضومة بتضر بطانة الامعاء طفلك، لأنها بتعمل خلل في توازن البكتيريا الموجودة في الجهاز الهضمي واللي مع مرور الوقت هتؤدي لمشاكل كتير زي : الحساسية للطعام وتغيرا في الحالة المزاجية

هل في بدايل أفضل من الحبوب ؟

في الأول لازم تعرفي غن الطفل في حاجة لشيئين أساسيين :

  • الدهون : ودي موجودة في لبن الأم وليها اهمية كبيرة في بناء خلايا المخ والجهاز العصبي وأغشية خلايا الجسم
  • الفيتاميتات الذائبة في الدهون زي فيتامين “أ” , “د”،و “ك”. ودي مهمة لبناء العظام والحفاظ عليها

وللحصول على الدهون والفيتامينات دي ، قدمي لطفلك الأطعمة دي :

  • صفار البيض : لأنه غني بالكوليستيرول الهام لبناء خلايا المخ والأعصاب، ووهو كمان مصدر لل” أوميجا 3 ” والأحماض الأمينية
  • الكبدة : وهي مهمة لإحتوائها على الحديد للي مش موجود بنسبة كبيرة في لبن الأم
  • الزبدة
  • الزبادي واللبن الرايب : لأنهم مصدر غني بالبروبايوتكس الهامة في الحفاظ على التوازن البكتيري للجهاز الهضمي
  • الموز : لأنه غني بالكربونات و الأماليز
  • اللحوم والخضروات المطبوخة بشكل صحي

مع العلم إن كل الأطعمة دي بتتقدم من سن 6 شهور فأكتر حسب إرشادات الطبيب

Share.

Comments are closed.