اشترك
like Sofy on Facebook

لصحة أفضل وعمر أطول

0

مع كبر السن، بيحصل قصر في الكروموسومات وده اللي بيخلي الجسم اكتر عرضة للأمراض. لكن مع ممارسة بعض العادات الصحية ممكن تبطىء شيخوخة الخلايا الجسم. إعرف أكتر لما تقرأ معانا الموضوع ده.

في دراسة بتقول إن الأشخاص أصحاب الضمير اليقظ (يعني اللي بيهتموا يعملوا كل حاجة صح ) بيكونوا أكتر الناس حرصا على صحتهم، وبيأخذوا قرارات بتخلي علاقتهم قوية مع الناس، كمان بيكونوا ناجحين في عملهم.  كمان في شوية حاجات ممكن تعمل فرق كبير في صحتك زي :

  • أصدقائك : الأشخاص المحاطين بأصدقاء كتير عندهم فرصة أكبر إنهم يعيشوا عمر أطول من غيرهم، وممكن العكس لو كانوا أصدقائهم مدخنين، أو بيعانوا من السمنة مثلا لأن الحاجت دي زي العدوى اللي بتنتشر بين الأصحاب
  • التدخين : لو بتخدن، عندك فرصة تبطل تدخين قبل سن ال30 لأن ده هيديك فرصة في الحفاظ على صحتك ويقلل من شيخوخة خلايا الجسم
  • القيلولة : الحصول على القيلولة بيساعد في تقليل هرمونات التوتر وبكدة بتحمي قلبك بنسبة 37% من الإصابة بالأمراض بالمقارنة بالأشخاص الأخر
  • نظام غذائي صحي : دايت البحر البيض المتوسط بيقلل من خطر الإصابة ب” متلازمة الأيض ” اللي بينتج عنها السمنة وإرتفاع في سكر وضغط الدم. الدايت ده بيعتمد على الفواكه والخضروات، الحبوب الكاملة والأسماك
  • الزواج : الزواج بيطيل العمر بسبب الدعم النفسي اللي بيقدمه كل شريك للآخر
  • السمنة : أحد أهم أسباب الوفاة المبكرة، لأنها بتؤدي لكتير من أمراض القلب والسكر
  • مارسة الرياضة : حتى لو 10 دقايق كل يوم بتحمي قلبك، بتقيك من الأكتئاب والسرطان
  • ممارسة الشعائر الدينية : من أهم الحاجات اللي بتؤدي لطول العمر وده لأنك بتكون في احسن حالاتك النفسية
  • العصبية والتوتر الدائمين : بيهددوا صحتك لأنهم بيزودا فرص الإصابة بكتير من الأمراض
  • النوم : النوم أقل من 5 ساعات بيزود إحتماليات الموت المفاجىء، ساعد جسمك واحصل على القدر اللي محتاجه من النوم

Share.

Comments are closed.