اشترك
Buy Neuth France products

لشعر زي الحرير في الشتا

0

الشعر من اكتر الحاجات اللي بتبين جمال المرأة وكل واحدة بتتمني ان شعرها يبقي صحي وناعم ومظهره جذاب لكن للاسف لما بييجي الشتا وبيجيب معاه البرد اكيد بيأثر بشكل كبير علي صحة الشعر ومن اكتر انواع الشعر اللي بتتأثر بالسلب في فصل الشتا هو الشعر الجاف اللي البرودة بتزود من جفافه وبتخليه خشن ومظهره مقصف,تابعينا لو عايزة تعرفي ازاي تحافظي علي جمال شعرك وميتأثرش بالبرودة والجفاف في فصل الشتا.

-استعملي الشامبو المناسب لشعرك:
استعملي الشامبو الخاص بالشعر الجاف وماتنسيش تستعملي البلسم بعد غسل شعرك لانه بيساعد في تنعيم الشعر وتغذيته مع الشامبو.

-احمي شعرك من الحرارة:
لو هستعملي السيشوار لشعرك يبقي خلي حرارته معتدلة واستعملي مستحضرات حماية الشعر من الحرارة لان الحرارة الشديدة بتسبب جفاف الشعر.

-بلاش المية السخنة:

غسل الشعر بالمية السخنة في الشتا طبعا حاجة ممتعة لينا كلنا بسبب برودة الجو بس للاسف المية السخنة جدا بتزود من جفاف الشعرعلشان كده يفضل غسل الشعر بالمية الدافية المعتدلة.

-غذي شعرك بالزيوت الطبيعية:
شعرك في الشتا بيحتاج حماية من نوع خاص والزيوت الطبيعية زي زيت الجوجوبا بتحافظ علي شعرك من الجفاف والتلف وكمان بيخلصك من تراكم القشرة في فروة الراس,غير بعض الزيوت زي زيت الزيتون وزيت جوز الهند وزيت شجرة الشاي.

-ماتعرضيش شعرك للبرودة الشديدة:
لو نزلتي في جو بارد جدا خصوصا بالليل او الصبح بدري فده هيعرض شعرك للجفاف الشديد وهيخليه مقصف وشكله مش حلو علشان كده ممكن تغطي راسك بكاب او برنيطة تحميه من البرودة الشديدة وماتنسيش تقصي اطراف شعرك المقصفة.

Share.

Comments are closed.