اشترك
like Sofy on Facebook

لسه فيه أمل .. سوفالدى أمل العلاج من فيروس C

0

مع الأسف مصر بتحتل المرتبة الأولى عالميا بمعدل الأصابة بفيروس c فبنلاقى أن حوالى 8-10 ملايين مصرى بيعانوا من الأصابة بيه و بعانوا بأستمرار من خطر الأمراض اللى بسببها زى سرطان الكبد و من الالم الشديد أو شبح الموت فى كل لحظة .لكن النهاردة بقى فى أمل و يقدر كل مريض أو أى حد بيحبه أنه يرسم أبتسامة ثقة و هدوء مع أنتاج العلاج الجديد لفيروس c لمصر. أعرف معانا أكتر عنه.

العلاج من فيروس C :

  • عقار سوفالدى:

– بدأت ادارة الغذاء و الدواء الأمريكية FDA فى أعتماد عقار سوفالدى لعلاج فيروس c فى اواخر العام الماضى ,وبيعتبر العقار فعال جدا فى علاج النوع الجينى الرابع اللى بيصيب المصريين بكثرة .

– قامت وزارة الصحة المصرية بأنهاء التعاقد مع الشركة المنتجة لعقار سوفالدى ليتم بدء أستخدامه فى مصر فى شهر أكتوبر الحالى . وقد تم الاتفاق مع الشركة المنتجة على توفير العقار بتخفيض 99% عن سعره العالمي عن طريق وزارة الصحة.

– يقوم علاج سوفالدى بعلاج المرضى من فيروس c  بنسبة تتعدى 90% من الحالات المصابة و هذا يعتمد على درجة الأصابة بالفيروس

– بيقوم مستحضر سوفالدى بتعطيل عمل الأنزيم المسئول عن تكاثر الفيروس و بيستخدم بمصاحبة  بعض الأدوية الأخرى اللى بتساعد فى اتمام الشفاء.

– بتستغرق مدة العلاج بالسوفالدى حوالى 12  أسبوع  أى 3 عبوات وده للنوع الجينى رقم 1 و 2 و4 لكن بتستغرق 24 أسبوع للنوع الجينى رقم 3 أى 6 عبوات.

– قبل أستخدام العلاج بيتم عمل تقييم للمريض بعينة كبدية أو بفحص فيبروسكان و تحليل فيب 4 بالدم لمعرفة درجة التليف الكبدى و بيتم عمل منظار معدة و عمل بعض الفحوصات الأخرى للتأكد من أمكانية أستخدام العلاج للمريض

– من أهم مميزات العقار عند أستخدامه أن الاثار الجانبية الناتجه عن أستخدامه بتعتبر قليلة جدا أهمها الصداع و الضعف الجسدى.

– بدأت وزارة الصحة فى أعلان دعمها للعقار لمرضى التأمين الصحى و مرضى العلاج على نفقة الدولة بحيث أنه بدأ  منذ حوالى شهر التسجيل الألكترونى لمرضى فيروس c  للحصول على عقارسوفالدى .

خطوات التسجيل بالموقع الالكترونى :

1- عنوان الموقع الالكترونى www.nccvh.org.eg .

2- يتم ادخال عدد من البيانات الشخصية مثل  (الرقم القومى – الأسم الثلاثى –أسم الوالدة – رقم التليفون)

3- بيرد الموقع فى خلال 24 ساعة بتحديد المركز التابع للجنة القومية لمكافحة الفيروسات الكبدية و الموعد المحدد لاستكمال اجراءات التسجيل وعمل الفحوصات الطبية.

4- يجب على المريض طباعة الورقة التى يظهرها الموقع لاحتواء الورقة على علامة مائية تثبت صحة التسجيل .

5- اذا لم يستطع المريض الذهاب فى الموعد المحدد يمكنه اعادة التسجيل ليحصل على موعد آخر فى خلال أسبوع من خلال تسجيله المرة السابقة.

Share.

Comments are closed.