اشترك
Buy Neuth France products

لحماية مطبخك من الحرائق

0

الحرائق المنزلية بتسبب خسائر كتير فى الأرواح و الممتلكات الثمينة ، ومعظم الحرائق المنزلية بتكون بسبب إهمال زى ترك أعقاب السجائر مشتعلة أو عدم فحص الأسلاك الكهربائية و الأجهزة جيدا فى المنزل ، و جزء من الحوادث بيكون بسبب المطبخ بسبب التعامل مع النار و الدهون المختلفة ، اعرفوا معانا إزاى تحموا مطبخكم من الحرائق و إزاى تتعاملوا مع الحرائق فى المطبخ فى حالة حدوثها
أهم النصايح لحماية المطبخ من الحريق :
.متسيبيش المطبخ :
معظم حرائق المطبخ بتحصل بسبب عدم مراقبة الطعام على النار ، متسيبيش المطبخ فى حالة  وجود طبخة على النار و خصوصا فى حالة استخدام مواد دهنية ، فى حال اضطررتى لترك المطبخ اقفلى البوتاجاز و ارفعى الأوانى عن النار ، نفس الأمر ينطبق على الفرن ، فى حالة وجود طعام فى الفرن اقفلى الفرن و اخرجى الطعام
.مش كل الملابس ينفع تدخلى بها للمطبخ :
تجنبى ارتداء الملابس الواسعة و الفضفاضة و الأكمام الطويلة فى المطبخ و خصوصا المصنوعة من الألياف الصناعية ، أفضل ملابس تدخلى بها المطبخ هى الملابس الضيقة و بأكمام مقفولة و مظبوطة و المصنوعة من القطن
.احذرى من وضع أدوات مطبخ معينة على سطح البوتاجاز:
مناشف المطبخ و قفازات الفرن و أسلاك أجهزة المطبخ و الستائر تعتبر من قائمة الممنوعات على سطح بوتاجازك ، ابعدى كل الأدوات دى عن سطح البوتاجاز تماما ، وفى حالة استخدامك لمنشفة المطبخ عشان تقدرى تمسكى الأوانى على النار اتاكدى انها بعيدة عن مصدر النار تماما و يفضل تكون قصيرة
.احتفظى بطفاية حريق قريبة من المطبخ :
من المهم جدا إنك تحتفظى بطفاية حريق قريبة من المطبخ ، لأن فى فرق كبير بين حريق ينتج عنه إناء محترق و بين مطبخ مشتعل باللهب ، من المهم كمان انك تكونى عارفة طريقة استخدامها
.مترميش الدهون الساخنة فى سلة القمامة :
القاء الدهون الساخنة فى سلة القمامة ممكن يؤدى لحدوث شرارة الحريق الأولى فى المطبخ ، اتركى الدهون حتى تبرد تماما و ضعيها فى برطمان أو علبة من الصفيح قبل وضعها فى سلة القمامة
.متنسيش تطفى الشموع :
ابعدى الشموع عن إيد أطفالك ، ولو محتاجة تستخدمى الشموع عشان عشاء رومانسى استخدمى شموع قصيرة و عريضة عشان تكون ثابتة فى مكانها و متنسيش تطفى الشموع بمجرد انتها العشاء أو المناسبة
.كونى مستعدة لاخماد حريق :
فى حالة حدوث حريق على سطح البوتاجاز ،أول شئ تفكرى فيه هو وضع غطاء على الإناء المحترق عشان تخمدى الحريق ، احذرى من محاولة اخماد الحريق بالماء أو وضع الإناء المحترق تحت حنفية المطبخ  لأن الماء هيؤدى لزيادة الاشتعال ، و كمان متستخدميش الدقيق لإخماد الحريق
.جهزى خطة للحماية من الحريق :
احتفظى برقم جهاز المطافي على تليفونك ، ناقشى مع أسرتك طريقة التعامل أو الخروج من المنزل فى حالة حدوث حريق واتأكدى إن أولادك فاهمين كويس
.اتبعى مبادئ التعامل مع الحريق :
فى حالة إلتقاط ملابسك للنار، توقفى فى مكانك و متحاوليش تجرى عشان النار متمسكش فى أثاث المنزل ، انزلى على الارض واستديرى حتى يتوقف الحريق أو تحصلى على المساعدة و بعدها توجهى لأقرب مستشفى للحصول على الإسعافات اللازمة

Share.

Comments are closed.