اشترك
Buy Neuth France products

لازم تعرف معاني الأرقام دي

0

كلنا بتحب تستخدم زجاجات و أواني بلاستيك لأنها خفيفة في الوزن و مش بتتكسر. ولو لاحظنا، هنلاقي على العبوات دي علامة مثلث وجواها أرقام من 1 ل 7 والأرقام دي مهم جدا إنك تعرف معانيها عشان صحتك و صحة أسرتك.

  • رقم 1 : معظم العبوات الشفافة بتاعة الصودا والمياه بتحمل الرقم 1 جوة المثلث. العبوات دي بيفضل إستخدامها مرة واحدة و يمكن إعادة تدويرها وتحويلها إلى إنسجة للمعاطف، وأكياس الحبوب و ممكن إستعمالها لصناعة أكسسوارات السيارات
  • رقم 2 : عبوات الحليب، مساحيق تنظيف الملابس والشامبوهات وزيت العربيات بتحمل الرقم 2، و هي عبوات أتقل في الوزن و بيمكن تحويلها الى ألعاب وأنابيب و هي عكس اللي بتحمل رقم 1 ممكن نعيد إستخدامها
  • رقم 3 : بيتم إستخدامها في صناعة الأنابيب، علب اللحوم، عبوات الزيوت، زجاجات حليب الأطفال، لوحات الفينيل، أغطية المقاعد . ومن الصعب جداً إعادة تدوير النوع ده من البلاستيك وهو بيشكّل خطركبير على البيئة والصحة لأن صناعته بتخرج مواد سامة بتتحفظ جوة جسم الإنسان
  • رقم 4 : موجود في أكياس البقالة والدراي كلين وعلب السندويشات
  • رقم 5 : ممكن تلاقيه على الأكواب والزجاجات اللي بيمكن غسلها في ماكينة غسل الصحون، بعض زجاجات حليب الأطفال، العلب الحافظة للطعام، زجاجات العصائر، الزبادي والحفاضات . و ده من أفضل أنواع البلاستيك
  • رقم 6 : بنلاقيه على عبوات الطعام الفوم، الشوك والملاعق اللي مش شفافة. وده ليه أضرار كتير على الصحة
  • رقم 7 أو كلمة OTHER  : بنلاقيه في قعرغالونات المياه، بعض زجاجات حليب الأطفال و كبطانة لعلب الطعام و لبن الأطفال .والنوع ده لازم تتجنبه إلا لو مكتوب عليه BPA free

 و الخلاصة : العبوات الآمنة هي اللي بتحمل الأرقام ” 1،2،4،5 ” ولازم تبعد تماما عن باقي الأرقام و خصوصا رقم “7 ” إلا لو مكتوب عليه “ BPA free “ . وبيفضل إستخدام اواني زجاج أو سيراميك جوه المايكروويف.

Share.

Comments are closed.