اشترك
like Sofy on Facebook

تعرف ايه عن ..تضخم البروستاتا

0

غدة البروستاتا مش بتسبب أى مشاكل تقريبا لغاية سن الاربعين لكن بعد سن الأربعين بتبدأ تنمو تانى و ده اللى خلى أكتر من 50% من الرجال بعد سن الاربعين بيعانوا من تضخم حميد فى البروستاتا و بتوصل النسبة لحوالى 95%من الرجال عند سن 85 سنة.أعرف معانا أكتر عن تضخم البروستاتا الحميد وأيه المشاكل اللى بيسببها و ازاى يتعالج ؟

  • غدة البروستاتا :

 هى غدة صغيرة فى حجم حبة الجوز و تقع تحت المثانة و تحيط بقناة مجرى البول و هى من الجهاز التناسلى للذكر ومن وظائفها أفراز السائل المنوى.

  •  تضخم البروستاتا الحميد (BPH):

 –هو تضخم  تشريحى فى غدة البروستاتا بيزيد مع تقدم العمر ومعروف أيضا بأسم فرط تنسج البروستاتا وهو على الأرجح جزء طبيعى من عملية الشيخوخة بالنسبة للرجال الناتجة عن التغيرات فى توازن الهرمونات و نمو الخلايا .

-تضخم البروستاتا لا يسبب سرطان البروستاتا و لا يؤثر على قدرة الرجل الانجابية و لا يسبب مشاكل الأنتصاب.

-ولان غدة البروستاتا بتحيط بمجرى البول (الأنبوب اللى بينقل البول من المثانة الى خارج الجسم)  فتضخم البروستاتا بيضغط بشكل جزئى على مجرى البول وبيسبب مشاكل.

-على الرغم من أن تضخم البروستاتا الحميد مش مشكلة خطيرة لكنه بأستمرار مصدر للأزعاج.

  •  تضخم البروستاتا الحميد بيسبب مشاكل فى المسالك البولية مثل:

1- أحساس بالآلم عند التبول .

2- الشعور الدائم بالحاجة للتبول وهو ما قد يوقظ البعض أثناء النوم.

3- ضعف التبول .

4- الشعور الدائم بان المثانة ليست فارغة تماما.

5- فى عدد صغير من الحالات بيؤدى تضخم المثانة الى أحتباس البول واللى ممكن يسبب حصى أو فشل كلوى أو التهابات المثانة.

  •  تشخيص تضخم البروستاتا :

1- يمكن للطبيب تشخيص تضخم البروستاتا من خلال الفحص البدنى وطرح بعض الأسئلة حول  الأعراض و أختبار البول و أختبار المستقيم الرقمى أوال(PSA)الذى سيساعده فى أستبعاد سرطان البروستاتا.

2- لو كانت أعراض تضخم البروستاتا خفيفة و معتدلة بيكون العلاج المنزلى مع أستمرار المتابعة مع الطبيب هو الأفضل.

3- على الرغم من أن العلاج المنزلى لايوقف نمو البروستاتا ولكنه يساعد فى التقليل أو السيطرة على الأعراض .

  • وفى بعض النصائح للعلاج المنزلى:

1-  تجنب الكافيين و الكحول لأنهم بيخلوا الجسم يحاول التخلص من الماء.

2- الذهاب للتبول بأستمرارعلشان  تتجنب أى ضرر لعضلة المثانة.

3- مراجعة أى أدوية للأمراض الأخرى مع الدكتور لتجنب أى ادوية تجعل التبول صعبا زى مضادات الأحتقان و الحساسية.

4- اذا لم يساعد العلاج المنزلى فمن الممكن الأستعانة بالأدوية والتى تساعد فقط على التقليل من الأعراض و لكنها لا تنهيها.

5- اذا كانت الأعراض شديدة فممكن الدكتور يقرر العملية الجراحية لازالة جزء من البروستاتا .

Share.

Comments are closed.