اشترك
Buy Neuth France products

لازم تشرب مية كتيييير

0

المية هي الحياة، وفوايدها مبتنتهيش. وفي فصل الصيف بنحتاج نشرب مية بكميات أكبر، والمية مش بس بترطب جسمنا لكن ليها فوايد كتير إعرفها لما تقرا الموضوع ده.

للمية 7 فوايد متفوتهاش :

  1. المية هتساعدك تخس : شرب المية بيسرع من عملية الحرق وبيبقيك في حالة شبع أو إمتلاء، وبيفضل إنها تكون ساقعة عشان جسمك يحرق سعرات إضافية في تدفئتها. إستبدل المشروبات المليانة سكر بالمية وحاول تحصل على كوب مية قبل الكل عشان تشبع أسرع
  1. بتخليك في حالة من النشاط : قلة المية بتخليك تحس بالإرهاق المستمر، إشرب مية عشان تساعد قلبك على ضخ الدم بصورة احسن، كمان هتساعد إن الدم المحمل بالأكسجين والمغذيات يوصل للخلايا ويمدها بالطاقة اللي محتجاها
  1. بتقلل من الضغط النفسي : لأن خلايا المخ 80% منها مية ، قلة المية هتخليك في حالة مزاجية سيئة وهتشعر بالتوتر. خلي دايما جنبك كوب مية على مكتبك وزجاجة مية إتحرك دايما بيها
  1. هتساعدك على بناء العضلات : شرب المية هيخليك تقدر تواصل تمارينك وتزودها لأن المية بتقلل من حدوث الشد العضلي أثناء التمرين وبتعمل على تليين المفاصل
  1. بنتعش البشرة : المية هتخلي الدم يضخ بصورة كويسة خدا لخلايا بشرتك، وده هيخلصها من الشوائب والسموم ويبان مشرق وحيوي،كما بتقلل من ظهور التجاعيد اللي من أسبابها قلة المية
  1. مهمة جدا في عملية الهضم : المية والألياف اساسيين في عملية الهضم، والمية بتذيب الشوائب والفضلات وتخليها تترك الجهاز الهضمي بسهولة دون إرهاق القولون
  1. بتقلل من تكوين الحصوات : المية بتقدر تدوب الأملاح والمعادن الموجودة في الكلى اللي تجمعها بيسبب ظهور الحصوات، شرب المية هيقوم بتخفيف تركيزهم في البول ويصعب عملية تكوين الحصوات

Share.

Comments are closed.