اشترك
Buy Neuth France products

لازم تتحديها .. العادة السرية عند البنات

0

كتير من البنات بيمارسو العادة السرية قبل الزواج ويمكن بعده لاسباب مختلفة وللاسف اصبحت منتشرة في مصر الفترة دي وبتسبب للبنات مشاكل صحية ونفسية قبل الجواز وبعده ومش بيكونو عارفين ازاي يبطلوها، وكتير من الامهات ممكن يكونو مش عارفين ان بناتهم بيمارسو العادة السرية او عارفين ومش لاقيين حل. تابعو معانا المقالة دي علشان تعرفو ايه هي العادة السرية وايه هي الاسباب اللي بتخلي البنت تلجأ ليها وايه هي اضرارها وازاي تتجنبوها وافضل طرق علاجها.

ايه هي العادة السرية عند البنات:

هي ان البنت تحاول انها تشبع غريزتها بمفردها بدون احتياج للجنس الاخر عن طريق عملية اسمها(الاستمناء) وده عبارة عن ان البنت تقوم بفرك اعضائها التناسلية بهدف احداث الشهوة الجنسية وفي بنات بتمارسها يوميا وفي بنات بتمارسها اسبوعيا وفي بنات بتمارسها شهريا.

اسباب ممارسة العادة السرية عند البنت:

-التعرض لضغوطات نفسية او جسمانية في البيت او الشارع او الدراسة او العمل او تعرض البنت لاخفاق عاطفي او علي مستوي العمل او التعرض لاعتداء من اي حد ممكن يخلي البنت تلجأ لممارسة العادة السرية بهدف البحث عن السعادة والراحة النفسية.
-الفراغ العاطفي وعدم وجود حد قريب من البنت ترتاح في الكلام معاه ويشاركها افكارها ومشاكلها ممكن يخليها تحاول تشبع الفراغ
العاطفي اللي عندها بالطريقة دي.
-صعوبة الحصول علي عمل مناسب وصعوبة الجواز ممكن يخلي البنت عندها وقت فراغ فبيخليها تلجأ للحل ده بهدف ملئ وقت
فراغها
-كتر مشاهدة الافلام الغير لائقة وكلام الاغاني الملئ بالاثارة ومشاهد الخلاعة المنتشرة علي النت والتلفزيون بيخلي البنت تفكر في
الحاجات دي كتير خصوصا في اخر اليوم قبل النوم.
-عدم شغل وقت الفراغ بأمور مفيدة والسرحان وقت طويل بدون هدف ممكن يوصل البنت انها تفكر في الموضوع ده عشان تسلي
وقتها.
– اكل الوجبات الدسمة كتير الي جانب اضراره علي الصحة بيزود الشهوة الجنسية وبيخلي البنت تلجأ للعادة السرية
-التعرض لمشاكل صحية كبيرة مع عدم وجود دعم نفسي من الاخرين ممكن يوصل البنت انها تمارس العادة السرية
-الشعور بعدم الاشباع في العلاقة مع الزوج خصوصا ان كان دائم السفر او الانشغال.

اضرار العادة السرية عند البنات:
-بتسبب الام في منطقة البطن ومنطقة الحوض.
-ممكن تسبب خلل في مواعيد الدورة الشهرية.
-بتؤدي لالتهابات في الجهاز التناسلي
-ممكن تسبب العقم والغير متزوجات اكثر عرضة للاصابة بيه في حال ممارسة العادة السرية
-اذا مارستها البنت في وقت الدورة الشهرية ممكن تصاب بمرض بطانة الرحم المهاجرة اللي بيوصل للعقم
-مشاكل في نزول البول.
-مشاكل نفسية زي الشعور بالذنب والاكتئاب

مشاكل العادة السرية للبنت بعد الزواج:
-بتخليها ماتحسش بالسعادة والاشباع من خلال العلاقة مع الزوج وده بيؤدي لمشاكل في الزواج
-بتخليها تكون انانية في العلاقة مع الزوج لانها اتعودت تشبع رغباتها هي بس والمفروض ان العلاقة بين الزوجين قائمة علي المشاركة

علاج العادة السرية للبنات:
لو بتمارسي العادة السرية وعايزة تبطليها او مش بتمارسيها ومش عايزة تتعرضي انك تعمليها في يوم من الايام اعملي الحاجات دي:
-لازم يكون عندك الارادة انك متفكريش فيها ابدا
-ممارسة الرياضة الي جانب فوايدها الكتير بتساعد البنت انها تنشغل عن العادة السرية وبترفع من روحها المعنوية
-حاولي تشغلي وقت فراغك بحاجات مفيدة زي عمل مناسب او مساعدة والدتك في اعمال المنزل او قراءة هادفة
-ممكن تشبعي الفراغ العاطفي اللي عندك بإنك تهتمي بالاخرين وتساعديهم وتشاركيهم مشاكلهم،ممكن تعملي ده مع اهل بيتك وقرايبك
واصدقائك وممكن من خلال المشاركة في الجمعيات الخيرية و دور المسنين والايتام،الحكاية دي الي جانب انها بتشغل فراغ وقتك
وعاطفتك عن التفكير في العادة السرية كمان بتديكي راحة نفسية وبتشعرك بدورك في الحياة والمجتمع اللي انتي عايشة فيه,وكمان
بتخليكي بدل ماكنتي بتفكري ازاي تسعدي نفسك بس هتخليكي تتخلصي من الانانية من خلال التفكير في اسعاد الاخرين
-قللي من الاكلات الدسمة واستبدليها بوجبات صحية مفيدة قليلة السعرات الحرارية
-متقعديش لوحدك فترة طويلة علشان متكونيش فريسة لاي فكر مش صح وبلاش تدخلي تنامي غير لما تحسي انك هتنعسي علي طول
-ابعدي عن مشاهدة الافلام اللي فيها مشاهد مش كويسة وابعدي عن اي اصحاب ليكي بيشجعوكي علي مشاهدتها او علي ممارسة العادة
السرية بأي شكل
-لو هاجمك فكر العادة السرية بشدة خصوصا قبل النوم ممكن تاخدي دوش مية سخنة هتلاقي التفكير في العادة السرية توقف
-لو كنتي متزوجة وبتعاني من ممارسة العادة السرية بسبب مشاكل في الزواج حاولي تعالجي اسباب المشاكل دي بمشاركة الطرف
الاخر
-لو حسيتي ان العادة السرية بتهاجمك بشدة بعد كل المحاولات اللي فوق دي وانتي مش عارفة ازاي تقاوميها متتكسفيش انك تلجأي
لطبيب نفسي،ولاحظي انك كل ماعالجتي الموضوع بدري كل ماكان اسهل وكل ماكانت اثاره الجانبية اقل.

للامهات..ازاي تعرفي ان بنتك بتمارس العادة السرية:

-من انك تلاحظي انها بتقعد لوحدها وقت طويل في الاوضة او بتقضي وقت طويل في الحمام بدون داعي،لو لاحظتي ده متنفعليش
وبلاش توبخي بنتك بسرعة لكن حاولي تحميها من اسباب ممارسة العادة السرية

للامهات..ازاي تحمي بنتك من ممارسة العادة السرية:
-ماتتكسفيش انك تتكلمي مع بنتك في امور الثقافة الجنسية لانها لما تعرف منك بيكون افضل بكتير من انها تعرف من مصدر تاني مش
مضمون ويفضل انك تبدأي معاها من وهي صغيرة لان فكرها بيكون انقي .
-راقبي نوعية اصحابها والحاجات اللي بتتفرج عليها في التلفزيون وطريقتها في شغل وقت فراغها
-حاولي دايما تشاركيها وقتها و اهتماماتها وافكارها ومشاكلها  بحكمة وحب واحتواء عشان ماتكونش فريسة للفراغ والافكار الغلط
-خاللي بالك من طريقتها في اختيار ملابسها لانها بتدل علي افكارها،حسسيها انك مش ضد الموضة والشياكة لكنك ضد الابتذال في
اختيار الملابس.
-دوري لبنتك علي حاجة تانية تشغلها عن التفكير ده
-خدي بالك من بنتك خصوصا في اوقات المرور بإخفاق نفسي او تعب جسماني
-لو حسيتي ان بنتك بتمارس العادة السرية بلاش توبخيها وعالجي الموضوع بحكمة لان التوبيخ الشديد بيؤدي لسوء حالة بنتك النفسية
وبالتالي بتهرب باللجوء للعادة السرية.

تعملي ايه لو لاحظتي ان طفلتك بتمارس العادة السرية:
-بلاش توبخيها لان الاطفال بيميلو للعناد وده اكيد هيزود المشكلة وممكن تشغليها بلعبة او اي حاجة مفيدة بتحبها
-خاللي بالك انك ممكن تكوني بتتفرجي علي حاجات مش كويسة في التلفزيون قدام الطفلة وهي بتحب تقلد
-خاللي عينك علي طفلتك مهما كنتي مشغولة وماتسيبهاش فريسة للفراغ او لاي مشاهدات مش كويسة علي التلفزيون او النت
-بصي عليها من وقت للتاني وهي نايمة لو لاحظتي انها بتعمل كده امنعيها بحكمة
-ماتجبريهاش انها تنام لو هي مش نعسانة لانها ممكن تمارس العادة السرية وهي علي السريرلكن عوديها علي انها تظبط مواعيد نومها
بالتدريج .
-لو في حد معين متعرفيهوش كويس او اخلاقه مش مظبوطة بلاش تخلي طفلتك تقعد معاه لوحدها لانه ممكن يعلمها العادة دي.

Share.

Comments are closed.