اشترك
Buy Neuth France products

لأسنان جذابة ناصعة البياض جربوا الوصفات دي

0

مظهر الاسنان  ناصعة البياض حلم عند كل الناس لأنه بيدي لصاحبه جاذبية وبيحسسه بالثقة في نفسه وان ابتسامته مشرقة،بس مش كل الناس بيقدروا انهم يحافظوا علي جمال وبياض أسنانهم لعوامل كتير زي شرب المنبهات والتدخين واكل السكريات بزيادة واهمال غسيل الاسنان يوميا، وطبعا مظهر الاسنان الصفرا اكيد بيضايق صاحبه وبيحسسه بعدم الثقة في نفسه في التعامل مع الناس في الحياة الاجتماعية ومكان الشغل وقدام شريك حياته وكمان وهو بيتصور في اي مكان عام فيه ناس كتير،واكيد مش كل الناس يقدروا انهم يلجأوا لعمليات الليزر لتبييض أسنانهم بسبب تكلفتها وصعوبة المتابعة،اعرفوا معانا شوية وصفات بسيطة موجودة في كل بيت تستمتعوا من خلالها بأسنان ناصعة البياض وابتسامة مشرقة.
1-قشر البرتقال:
ممكن تتخلصي من الصفار اللي في أسنانك من خلال استخدام قشور البرتقال بانتظام،افركي سنانك بقشور البرتقال كل يوم قبل ماتنامي،الكالسيوم اللي في فيتامين C  الموجود في البرتقال بيساعد علي مكافحة الجراثيم اللي بتسبب صفار وتسوس الاسنان،ومع الانتظام علي فرك الاسنان بقشور البرتقال هتحسي بفرق في مظهر أسنانك بعد فترة بسيطة وهتحسي انها بقت ناصعة البياض وجذابة.

2-البيكينج صودا:
من افضل الوصفات اللي هتخلصك من الاصفرار اللي في اسنانك وكمان من طبقة البلاك هي البيكينج صودا،حطي كمية قليلة من البيكينج صودا علي معجون الاسنان وانتي بتغسلي سنانك مرتين او تلاتة في اليوم وبعدين اشطفي سنانك بالفرشة بمية دافية،وممكن كمان تفركي سنانك بالبيكينج صودا المخففة لدقايق قليلة وانتظمي عليها لمدة اسابيع قليلة وشوفي النتيجة بنفسك.

3-الفراولة:
الفراولة هي من اكتر المصادر الغنية بفيتامينC  اللي بيزود من قوة وبياض الاسنان،جربي تفركي سنانك بقطعة صغيرة من الفراولة كل يوم لمدة اسبوعين او تلاتة و هتتخلصي من الاصفرار اللي في اسنانك وهتلاقيها بقت  بيضاء وقوية.

4-التفاح:
لو اكلتي تفاحة او تفاحتين في اليوم هيساعدوكي جدا في تبييض اسنانك وتقويتها .

5-الملح:
من افضل الحاجات الموجودة في كل بيت اللي بتساعدك علي تبييض أسنانك وتنضيفها من طبقة البلاك،ممكن تعملي مضمضة لأسنانك كل يوم بكمية قليلة من الملح بس يفضل لو هتجربي الطريقة دي ان لثتك تكون قوية ومفيهاش مشاكل وتكوني حريصة ان كمية الملح تكون قليلة عشان متضرش لثتك.

6-الليمون:
ممكن تفركي سنانك بشريحة ليمون صغيرة وده من افضل العلاجات المنزلية لاصفرار الاسنان وبيخليها بيضاء وقوية وجميلة.

7-زيت جوز الهند:
من اقدم العلاجات المعروفة للبكتريا اللي بتسبب اصفرار الاسنان وطبقة البلاك،قبل ما تغسلي سنانك الصبح حطي شوية من زيت جوز الهند في فمك لمدة 15 دقيقة وبعدين اشفطي سنانك واغسليها وداومي علي استعماله لمدة هتستمتعي ببياض اسنانك.

8-مية الاكسجين:
ودي من الحاجات المتوفرة في الصيدليات،حطي معلقة من مية الاكسجين مع معلقة من مية الورد في قطنة صغيرة وادعكي بيها سنانك مرتين في اليوم هتساعدك جدا في تبييض سنانك.

9-الزبيب:
الزبيب من الحاجات الغنية جدا باللعاب اللي بيحمي من اصفرار الاسنان والبلاك،لو اهتميتي انك تاكليه كل يوم هتستمتعي بأسنان بيضاء وجميلة.

Share.

Comments are closed.