اشترك
like Sofy on Facebook

كيماويات لازم تتجنبيها وانتي بتشتري مستحضرات التجميل

0

شراء مستحضرات العناية والتجميل حاجة مهمة جدا عند كل الناس لكن للاسف بعض مستحضرات العناية والتجميل اللي بنستعملها في حياتنا اليومية بتحتوي علي مواد كيماوية ضارة بصحتنا،بس لحسن الحظ ان في مستحضرات تانية امنة اكتر وفي كمان طرق طبيعية نقدر نعتني بيها بصحتنا ومظهرنا ونتجنب بيها الاحتياج للمستحضرات اللي بتحتوي علي أنواع الكيماويات الضارة ،اعرفوا معانا ايه هي المواد الكيماوية الضارة بصحتكم وازاي تستبدلوها بوسايل تانية تعتنوا بيها بنفسكم وصحتكم.

المواد الكيماوية اللي لازم تتجنبوها في مستحضرات التجميل:
1-كبريتات لوريل الصوديوم:

موجودة في بعض مستحضرات العناية والتجميل زي بعض انواع الشامبو والصابون ومعجون الاسنان و بتسبب تساقط الشعر وإعتام عدسة العين والحساسية وبتضر القلب والكبد والمخ.

2-العطور الصناعية:
معظم العطور الصناعية بتحتوي علي كيماويات مضرة خصوصا اللي بتحتوي علي الفثالات واللي موجود كمان في بعض انواع المانيكير لانها بتسبب حساسية ومشاكل في الجهاز التنفسي.

3-مادة الديوكسان 1.4 :

المادة دي موجودة في بعض انواع الشامبو وبتسبب مشاكل للكلي والاعصاب والجهاز التنفسي .

4-اكسيد الايثيلين:

موجودة في بعض مستحضرات التجميل وبتستعمل لتعقيم ادوات العمليات الجراحية وبتعتبر من المواد المسرطنة وبتسبب العقم للرجال والنساء.

5-البارابين:
دي مادة موجودة في بعض انواع مزيلات العرق والمكياج وغسول البشرة وليها خواص مشابهة لهرمون الاستروجين وبتزود من مخاطر الاصابة بسرطان الثدي.

6-الزيوت المعدنية والبارافين والفازلين:
موجودة في كتير من انواع الشامبو وبتسبب تساقط الشعر وبتحرمه من الزيوت الطبيعية الضرورية لتغذيته وبتسبب ظهور علامات الشيخوخة بدري علي الجسم.

طيب ايه البديل:
في حاجات كتير متوفرة في كل بيت بتساعد في العناية بالبشرة والجسم كله وكل جلد وله طبيعته وبالتالي له احتياجات مختلفة وطرق
عناية خاصة بيه.

*البشرة العادية:
 من افضل انواع البشرة اللي بتكون متوازنة يعني مش بتعاني من الزيوت الزايدة ولا بتعاني من الجفاف وللعناية بيها المفروض انك تزيلي اثار المكياج من وشك قبل النوم وممكن ترطبيها بزيت اللافندر.

*البشرة الجافة:
ودي بتحتاج ترطيب مستمر علشان تحميها من الجفاف والحكة واثار الشيخوخة المبكرة وممكن ترطبيها بالزيوت الطبيعية زي زيت اللوز وزيت الزيتون.
*البشرة الدهنية:
بتحتاج انك تهتمي بنضافتها جدا علشان تحميها من انسداد المسام اللي بيسبب ظهور الحبوب والرؤوس السودا علشان كده  يفضل انك تقللي من الاكلات الغنية بالدهون لانها بتزود من ظهور الحبوب في بشرتك واغسليها مرتين او 3 في اليوم بمية دافية.

ومن الحاجات اللي هتحميكم من اضرار الكيماويات الموجودة في بعض مستحضرات التجميل هي انكم تتبعوا نظام غذائي صحي وتناموا عدد ساعات كافي وتبعدوا عن التوتر وتشربوا مية كتير.

Share.

Comments are closed.