اشترك
Buy Neuth France products

كل اللي محتاج تعرفه عن سكر الدم

0

اتكلمنا كتير عن السكر وأضراره وإزاي  لازم نقلل قدر المستطاع. النهاردة بنقدم معلومات بصورة اكبر عن سكر الدم وإيه هي النسب الصحية وإزاي الزيادة  أو النقصان بيأثروا على صحتنا. كل ده واكتر لما تقرا الموضوع ده.

أولا : إيه هو سكر الدم ؟
سكر الدم هو الجلوكوز اللي بيوفر الطاقة لكل خلايا الجسم عن طريق أمتصاص الدم للجلوكوز بعد عملية هضم الطعام وتوزيعه من خلال الدم على خلايا الجسم المختلفة لمدها  بالطاقة

مين المسؤل عن توظيف الجلوكوز داخل الدم ؟

هرمون الانسولين ولما بيكون في خلل في عمل الانسولين بيتراكم الجلوكوز في الدم

هل في علاقة بين قلة النوم ونسبة سكر الدم ؟

فعلا، أثناء النوم بيكون في فترات بتستهلك الخلايا الجلوكوز بكميات كبيرة وفترات تانية بكميات قليلة، فقلة أو عدم أنتظام النوم بينتج عنه خلل في التوازن  لنسبة الجلوكوز في الدم وممكن على المدى البعيد يسبب الاصابة بالنوع الثاني من السكري

إيه هي النسبة الطبيعية للجلوكوز داخل الجسم ؟

لازم نسبة الجلوكوز متتعداش 100 ملغ / ديسيلتر عند التحليل صايم ( بيكون التحليل اول النهار بعد انقطاع عن الاكل طول فترة الليل )

من 100 ل 125  ملغ / ديسيلتر لازم ينتبه الشخص إنه على وشك الاصابة بالسكري ويتابع مع الطبيب وبدءا من 150 ملغ / ديسيلتر بيكون الشخص مصاب بالسكري

وإيه أعراض زيادة مستوى الجلوكوز بالجسم ؟

  • كثرة التبول : لأن الجسم بيحاول يتخلص من السكر الزائد
  • الشعور بالعطش
  • فقدان الوزن

إيه اللي بيحصل لما بيقل الجلوكوز عن النسبة الطبيعية ( أقل من 100 ملغ / ديسيلتر) ؟

بيقوم الكبد بتخزيين الجلوكوز الزائد عن الحاجة ليقوم بإفرازه بعد بذل الجهد أو بين الوجبات لسد حاجة الجسم لكن عند عدم وجود الكمية الكافية من الجلوكوز بيصعب على المخ التركيز وبيشعر الشخص بصداع،الشعور بالجوع والارهاق ولو استمر الوضع ده ممكن يوصل لكوما

إيه هي انسب الاطعمة لرفع مستوى السكر بالدم ؟

الكربوهيدرات هي الانسب لطبط مستوى السكر بالدم

هل التدخين ليه علاقة بمستوى السكر بالدم ؟

النيكوتين الموجود في السجائر بأنواعها بيعيق هرمون الإنسولين عن توصيل الجلوكوز للدم وبالتالي مش هتحصل خلايا الجسم على الطاقة اللازمة لمختلف  الانشطة ، كمان

Share.

Comments are closed.