اشترك
Buy Neuth France products

كل اللي محتاج تعرفه عن الروماتويد

0

من الأمراض الأكثر انتشارا أمراض السكر وضغط الدم، لكن كمان في مرض مش جديد وبقى منتشر بصورة كبيرة جدا، هو مرض الروماتويد. إعرف اكتر عنه لما تقرأ الموضوع ده.

في الأول لازم تعرف إيه هو مرض الروماتويد ؟

هو إضطراب المناعة الذاتية اللي بتسبب التهاب بطانة المفاصل. وده بيحصل لما النظام المناعي للجسم يهاجم أنسجة الجسم عن طريق الخطأ.

هو مرض مزمن، فممكن يعدي على المريض فترة بدون الأعراض لكن هو كامن في الجسم وممكن تسوء حالة المريض مع مرور الوقت

إيه هي اعراضه ؟

  • التهاب المفاصل المصحوب بتورم وألم وسخونة
  • تصلب المفاصل خصوصا أثناء الصباح
  • إنخفاض درجة حرارة الجسم

والأعراض دي بتحصل على كلا الجانبين من الجسم في نفس الوقت ” في اليدين والركبتين ” ، وممكن تؤدي الالتهابات دي لتآكل العظام والمفاصل أو حدوث تشوهات فيهم

أمتى بيظهر المرض ؟

مابين 30-60 سنة، والسيدات بتصاب بالروماتويد أكتر من الرجال بنسبة 3-1، وفي نوع من الروماتويد بيصيب الأطفال لكن أسبابه غير معروفة

وفي ظاهرة غير مفهومة بالنسبة للمرأة الحامل، ممكن تكون مصابة بالروماتويد لكن حالتها بتتحسن خلال فترة الحمل بنسبة 80% لكن المرض بيرجع في الظهور بعد الولادة

هل ممكن يؤثر الروماتويد على وظائف الجسم ؟

بيؤثر الروماتويد على بعض الأعضاء والأجهزة الجسمانية وبتسبب بعض المشكلات زي :

  • ظهور شبه عقد أو كتل ثابتة تحت الجلد والأعضاء الداخلية
  • التهاب وتلف غدد العين، الفم وبعض أعضاء الجسم
  • التهاب بطانة الرئة
  • التهاب البطانة المحيطة للقلب
  • الإصابة بالأنيميا
  • متلازمة فيلتي، وهي نقص في كرات الدم البيضاء
  • التهاب الوعية الدموية وضعف وصول الدم للجسم

وتحاليل الدم والأشعة ممكن تساعد على إكتشاف الروماتويد و معرفة جحم الضرر اللي وصل للعظام والمفاصل

هل في علاج للروماتويد ؟

العلاجات اللي موجودة للروماتويد بتعمل على تخفيف الآم والألتهابات وتقوية العضلات المحيطة بالعظام والمفاصل، لكن مفيش علاج للمرض نفسه

وهل في نظام غذائي معين لمريض الروماتويد ؟

مفيش نظام غذائي معين، لكن بيفضل إن المريض يبتعد عن الدهون المشبعة والحمضيات زي البرتقال والطماطم لأنها بتزيد من الألتهابات، مع الإكثار من الأطعمة الغنية بالأوميجا 3 زي الأسماك والمكسرات

ومع شوية تمرينات :

وممكن تقوم بشوية تمرينات بسيطة تساعدك على تخفيف الآم اللي بتشعر فيها وكمان تساعدك على تقوية العضلات

Share.

Comments are closed.