اشترك
Buy Neuth France products

قبل ما ترسم وشم على جسمك اقرا المقالة دى

0

انتشر فى الفترة الأخيرة ظاهرة رسم الوشم أو (التاتو) على الجسم سواء المؤقت أو الدائم والوشم كان يعتبر زمان من علامات الجمال وكان بيستخدم لتجميل الجلد . لكن مع اكتشاف المخاطر الناتجة عن رسم الوشم فى الجسم هل هيفضل الوشم علامة للجمال؟

فى الفترة الأخيرة تم اكتشاف مخاطر كتيرة للوشم منها انتشار العدوى ببعض الأمراض بسبب استخدام ابر غير معقمة لرسم الوشم

و كمان أضرار ناتجة عن الحبر المستخدم فى الوشم الدائم

الوشم الدائم بيتم عن طريق حقن حبر ملون تحت سطح الجلد وهو نوع من منتجات التجميل مثل أقلام تحديد العين أو الشفايف وبالتالى بيسبب ضرر كبير جدا للجلد

كتير من الناس لاحظوا حدوث تهيج فى المنطقة المحيطة بالوشم حتى بعد مرور سنين على رسمه فى فترة الصيف والخروج فى الشمس

ايه هى المخاطر الناتجة عن رسم الوشم:

  • نقل العدوى بالأمراض المختلفة زى فيروس سى والايدز بسبب استخدام ابر غير معقمة
  • الحساسية : الحبر والصبغات المستخدمة فى رسم الوشم الدائم أو المؤقت ثبت أنها ممكن تؤدى لحدوث حساسية فى الجلد
  • ظهور ندبات فى الجلد سواء عند رسم الوشم أو فى محاولة التخلص منه
  • ظهور حبوب فى المنطقة المحيطة بالوشم
  • من الممكن حدوث تورم أو بعض الحروق فى حالة التعرض للتصوير بالرنين المغناطيسى ولكن بتكون نادرة ومش بتستمر لفترة طويلة
  • من الممكن ان الوشم يتحول للون الباهت ودة بسبب ان خلايا الجلد بتقوم بتدمير الصبغة وبتعتبرها نوع من الأجسام الغريبة على الجسم ولكن على الناحية التانية فى رأى تانى للعلماء بيقول ان سبب تحول الوشم للون الباهت هو ان اشعة الشمس بتقوم بتفتيت الحبر ولكن الحبر بيفضل موجود فى الجسم ودة ممكن يؤدى لحدوث تسمم

هل فى طريقة لازالة الوشم؟

ازالة الوشم الدائم مكلفة وبتحتاج لوقت طويل واحتمالية ازالتها مش كبيرة

الطريقة الوحيدة المتعارف عليها لحد دلوقتى لازالة الوشم هى جلسات الليزر عن طريق تعريض الجلد لدفعات من الضوء اللى بتؤدى لتفتيت الحبر المستخدم فى رسم الوشم

Share.

Comments are closed.