اشترك
like Sofy on Facebook

قبل ما تاخدوا القرار .. اعرفوا اكتر عن الحقن المجهرى

0

فى حالات عدم الانجاب بقينا بنسمع كتيرعن الحل عن طريق الحقن المجهرى وفى سيدات بتعمل الحقن المجهرى وبينجح معاها وسيدات تانية بيفشل …… لوعايزين تعرفوا يعنى ايه الحقن المجهرى وبيتعمل ازاى اقروا الموضوع ده

  • الحقن المجهرى :

هى عملية من عمليات التلقيح الصناعى فهى تطور علمى لعمليات اطفال الانابيب وهى اكثر دقة من عمليات اطفال الانابيب وبالتالى زيادة نسبة نجاح العملية طبعا كله بعد ارادة ربنا. ويلجأ الدكاترة للحل ده لما يكون فى بعض حالات العقم عند السيدات زى انسداد قناة فالوب او حالات عقم عند الرجال زى ضعف الحيوانات المنوية او حالات عدم النجاب الغير معروف سببها .

بيتعمل ازاى ؟

  • هيبدا الدكتور بتنشيط المبايض عن طريق الادوية او حقن تحتى على هرمونات منشطة لانتاج اكثر من بويضة ويحدد الدكتور نوع الحقن او الاقراص حسب الحالة عشان ميحصلش تنشيط زيادة عن الطبيعى ويبدا فى متابعة البويضات حتى تصل الى حجمها المناسب.
  • بعد كده هيسحب الدكتور البويضات من الزوجة عن طريق جهاز السونار وهتبقى الزوجة متخدرة كليا او جزئيا حسب راى الدكتور.
  • من دلوقتى تبدا مرحلة اللى قبل الاخيرة يبدا بحقن كل بويضة بحيوان منوى وتترك لفترة فى ظروف مناسبة حتى تتم عملية الاخصاب وبعد التاكد من نجاح عملية الاخصاب وظهور انقسام البويضة .
  • وصلنا للمرحلة الاخيرة وهى نقل الجنين لرحم الام وده بيختلف من دكتور لدكتور فى اللى بينقله لما يوصل الانقسام الى 4 خلايا وفى اللى بيستنى انه يوصل الى 8 خلايا ، المرحلة ديه بيحددها الدكتور حسب حالة الام.

فى ملحوظة صغيرة ان فى الحقن المجهرى ممكن يحصل تخصيب لاكثر من بويضة يعنى ممكن يبقى فى اكتر من جنين

  • مزايا الحقن المجهرى :

1- فرصة جديدة للحمل

2- نسبة نجاح العملية مرتفعة نسبيا

3- زيادة نشاط المبيض ميزة لانه ممكن يحصل حمل طبيعى لقدر الله والعملية فشلت .

 

  • عيوب الحقن المجهرى :

1- تكلفة العملية ديه بتبقى غالية .

2- زيادة نشاط المبيض دون حمل بيبقى ليه اعراض زى زيادة فى الوزن وانتفاخ البطن .

3- ممكن متنجحش العملية من المرة الاولى خصوصا لو سبب العقم عند الزوجة .

4- فى احتمال ان يبقى فى حمل فى عدة توائم او حمل خارج الرحم ويتم علاجه جراحيا فى اسرع وقت.

5- حدوث اجهاض فى بعض الحالات نتيجة وقف الادوية من اول فترة فى الحمل

Share.

Comments are closed.