اشترك
like Sofy on Facebook

فيروس C .. التهاب الكبد الوبائى

0

فيروس سى هو الكابوس اللى بيثير الذعر للمصريين  فحوالى 80% من المصابين بفيروس c  بيستمر معاهم المرض لمدة طويلة و ممكن يستمر معاهم لغاية اخر العمر وبيكون ليه مضاعفات خطيرة زى تليف الكبد و دوالى المرىء و المعدة النازفة و سرطان الكبد و مع الأسف مصر واحدة من أعلى بلاد العالم فى معدلات الأصابة بالمرض وده بيفرض علينا علشان نحمى نفسنا أننا نتعرف على أعراضه وأهم أسبابه و أيه هى طرق الوقاية منه .تابع معانا أكتر المعلومات اللى تهمك عن مرض فيروس c.

  • فيروس C :

 – للكبد دور كبير و مهم فى جسم الأنسان زى تنقية الدم والتخلص من المواد الضارة و تصنيع مواد حيوية للجسم .

– فيروس c هو واحد من مجموعة فيروسات الكبد الوبائى (a,b,c,d,e,g)  وكلها بتسبب التهاب حاد فى الكبد وبتسبب خلل فى و ظائف الكبد لكن بيتمتع فيروس c  بشهرة و أهتمام واسع لأنه بيعتبر أخطرهم على الكبد و على الصحة العامة للجسم  و بيكون من الصعب على جهاز المناعة التخلص منه .

  • أعراض الأصابة  بفيروسC :

 عادة مش بتظهر أعراض مميزة للفيروس خصوصا فى الفترات الأولى من الأصابة به وممكن يستمر لسنين من غير أعراض لكن لو ظهرت بتكون على هيئة أرهاق و اعياء أو آلام بالمعدة أو طفح جلدى .

  • أسباب الأصابة بفيروس c :

الأساس فى أنتقال المرض هو ملامسة دم مصاب بالفيروس وبتختلف بعد كدة طرق العدوى لأكتر من طريقة حتى أنه بيبقى من الصعب تحديد الطريقة اللى أتنقلت بيها العدوى من شخص لأخر :

1- نقل الدم سواء فى صورة نقل الدم كاملا أو بلازما أو كرات الدم الحمراء أو صفائح الدم.

2- أستخدام بعض الأدوات لشخص مصاب زى أدوات الحلاقة أو المقاصات أو فرش الأسنان .

3- للجنين عن طريق الأم لكن بنسبة صغيرة حوالى 04% من الأم المصابة .

4- تعاطى المخدرات عن طريق الحقن.

5- بعض الأدوات الطبية الغير معقمة زى الآلآت الجراحية و أدوات التوليد و الحقن الملوثة و أدوات أطباء الأسنان .

6- نسبة قليلة جدا حوالى 01.% عن طريق العلاقة الجنسية فى حالة جرح أحد الشخصين.

  • الوقاية من فيروس C :

 1- عدم تبادل أو أستخدام السرنجات و الابر مع أى شخص أو حتى تم فتحها أو أستخدامها من قبل.

2- الأهتمام بالنظافة الشخصية وأستخدام المنظفات المضادة للبكتريا و غسل الأيدى بأستمرار .

3- التأكد من مصدر الدم قبل العمليات الجراحية و الذهاب لأماكن موثوق فيها عند التبرع بالدم .

4-تناول الأطعمة الصحية زى الخضروات و الفواكه و اللى بتزود من قدرة جهاز المناعة.

5-يجب عل لأطباء و المستشفيات تعقيم الأدوات و الأجهزة المشتركة زى أدوات الرمد و المناظير  للحد من أنتشار المرض.

6-التأكد من تنظيف الجروح و تطهيرها بشكل صحى.

7-عدم تبادل الأدوات الشخصية زى المقصات و الملقاط و الفوط و فرش الأسنان و ماكينات الحلاقة و أدوات الأستحمام.

8- الحرص على نظافة الأدوات المستخدمة فى الوشم أو ثقب الأذن.

9-بالنسبة للعاملين فى الرعاية الصحية و اللى ممكن يتنقلهم المرض عن طريق سحب العينات المفروض انهم يراعوا التعقييم بأستمرار و أستخدام تقنيات آمنة للحفاظ على صحتهم.

Share.

Comments are closed.