اشترك
Buy Neuth France products

فوايد المشى لصحتك

0

المشى لمدة 150 دقيقة أسبوعيا بما يعادل ساعتين ونصف أسبوعيا تمرين ضرورى لصحتك و خصوصا لو مكنتش بتلعب رياضة ، يا ترى بتهتم بممارسة رياضة المشى و بتقضى 150 دقيقة فى الأسبوع فى ممارستها ، بالتأكيد مفيش أسهل من إنك تبدأ تمارس رياضة المشى السريع كتمرين مفيد لعضلات جسمك و تحسين صحتك

قسم وقتك :
ممارسة رياضة المشى لمدة 10 دقايق فى المرة الواحدة ممكن يكون كافى جدا بالنسبة لك ، ممكن تخصص 10 دقايق 15 مرة فى الأسبوع علشان تمارس فيها رياضة المشى السريع؟ ، تقدر تخرج للتمشية 10 دقايق 3 مرات يوميا لمدة 5 أيام فى الأسبوع ، يعنى 10 دقايق بعد كل وجبة رئيسة فى أيام شغلك ممكن تأدى الغرض ، روتين سهل جدا و تقدر تتعود عليه

الفوايد الصحية للمشى :

  • المشى بيحافظ على وزن طبيعى و بيمنع الإصابة بالسمنة المفرطة
  • المشى بيقوى العظام و العضلات و خصوصا عضلات الساقين و القدمين و الذراعين
  • بيساعد على منع الإصابة ببعض الأمراض زى أمراض القلب و الضغط و السكر من النوع التانى
  • بيقلل من خطر الإصابة بسرطان القولون و خصوصا عند السيدات
  • المشى بيساعد على تحسين المزاج و تخفيف التوتر
  • المشى بيساعد فى زيادة الشعور بالتوازن فى الجسم

إزاى تمارس رياضة المشى بطريقة صحيحة ؟

  • خلى راسك مرفوعة و متبصش لتحت
  • خلى رقبتك و دراعك و ضهرك فى وضع مريح ، مش لازم ترفعهم بطريقة مصطنعة و مبالغ فيها
  • حرك دراعك بطريقة متناسقة مع خطواتك مع انحناءة خفيفة فى الكوع
  • شد عضلات بطنك باعتدال و افرد ضهرك ومتخليهوش راجع للخلف أو للأمام
  • امشى بطريقة سلسة ، و حرك قدميك من الكعب للأصابع
  • اختار حذاء مناسب و مريح للمشى ، ابعد عن الأحذية الضيقة أو إللى فيها كعب عالى
  • ابعد عن الطرق المزدحمة و الشوارع المليانة بالحفر و المطبات

Share.

Comments are closed.