اشترك
Buy Neuth France products

!!فوائد الصيام المتقطع لصحتك

0

 الصيام المتقطع من أشهر الطرق الصحية اللي بيستخدمها بعض الأفراد لفقدان الوزن ، وتحسين صحتهم ،وده بسبب إن دراسات كتير أثبتت أنه له تأثيرات مفيدة لجسمك ودماغك وممكن يساعدك حتى أنك تعيش لفترة أطول

الصيام المتقطع هو نمط الأكل اللي بيدور بين فترات الصيام والأكل ، هو مش نظام غذائي بالمعنى التقليدي لأنه مش مرتبط بتحديد أنواع اطعمة معينة للأكل ،ولكنه مرتبط بتحديد مواعيد للأكل

طرق الصيام المتقطع

هناك عدة طرق مختلفة للصيام المتقطع ،من الطرق المشهورة

1- طريقةال 16/8: تتضمن تخطي وجبة الإفطار وتحديد فترة تناول الطعام اليومية في حدود 8 ساعات ، زي من 1–9 مساءً. والصوم بعدها لمدة 16 ساعة

2-صيام-أكل-صيام: بيكون فيه الصيام لمدة 24 ساعة ، مرة أو مرتين في الأسبوع ، على سبيل المثال عدم تناول الطعام من عشاء يوم واحد حتى عشاء اليوم التالي

3-النظام الغذائي5-2: في النظام ده بتستهلك فقط من 500ل600 سعر حراري في يومين غير متتاليين من الأسبوع ، وبتتناول وجباتك كاملة في الأيام الخمسة الباقية

!!إزاي بيأثر الصيام المتقطع على الخلايا والهرمونات الخاصة بك

لما بتصوم ، بتحصل تغيرات كتير في جسمك على سبيل المثال 

هرمون النمو البشري (HGH): مستويات هرمون النمو بترتفع ، بمقدار 5 أضعاف. وده له فوائد لانه بيساعد على فقدان الدهون وكسب العضلات

الانسولين: بتتحسن مستويات الانسولين بشكل كبير. وانخفاض مستويات الانسولين بيساعد على حرق الدهون المخزنة في الجسم بسهولة أكتر

إصلاح الخلايا: لما بنصوم ، تبدأ الخلايا الخاصة بك بعمليات إصلاح. وده عن طريق تفكك الخلايا وإزالة البروتينات القديمة وغير الفعالة اللي بتتراكم داخل الخلايا

الجينات: بيحسن الصيام المتقطع من وظيفة الجينات المتعلقة بطول العمر والحماية من المرض

من الفوائد الصحية للصيام المتقطع

فقدان الوزن هو السبب الأساسي لأتباع الأفراد للصيام المتقطع ،لأنه بيساعدك تأكل وجبات أقل ، وبالتالي بيقلل من كمية السعرات الحرارية اللي بتدخل جسمك.بالإضافة إلى إن الصيام المتقطع بيخفض الأنسولين ويرفع من مستويات هرمون النمو ، اللي بيزود من إطلاق هرمون حرق الدهون (النورادرينالين)

العيش لفترة أطول بعض العلماء من فترة طويلة أثبتوا إن الصيام المتقطع هو وسيلة لإطالة العمر. لأن لما بتجوع ، جسمك بيحاول يلاقي طرق عشان يقدر يعيش

يقلل من خطر الاصابة ببعض الأمراض تشير بعض الدراسات إلى أن  الصوم المتقطع بيقلل من خطر الإصابة بالسرطان والأمراض القلبية. وكمان بيقلل من الآثار الجانبية للعلاج الكيميائي

لو عايز تجرب الصيام المتقطع لازم تكون عارف

إن الجوع هو الأثر الجانبي الرئيسي للصيام المتقطع ،وممكن كمان تحس بالضعف والأرهاق ،لكن في الغالب الأعراض دي بتكون مؤقتة لغاية لما جسمك يتكيف مع جدول الوجبات الجديد.

يجب عليك استشارة طبيبك قبل تجربة الصوم المتقطع لو

عندك مرض السكري

عندك انخفاض في ضغط الدم

بتتناول الأدوية

وزنك أقل من الطبيعي

امرأة تحاول الحمل

امرأة بتعاني من انقطاع الطمث لفترات

امرأة حامل أو ترضع

Share.

Comments are closed.