اشترك
Buy Neuth France products

فحص الشامات ( الحسنات ) للوقاية من السرطان

0

لما يكون الأمر مرتبط بصحتك وصحة جلدك ، من المهم جدا انك تاخدى بالك من أى تغيير يحصل فيه و خصوصا عند ظهور شامات أو حسنات ، فظهور تغيير فى عدد أو شكل الشامات فى الجسم ممكن يكون مرتبط بالاصابة بسرطان الجلد ، وخصوصا فى حالة وجود تاريخ عائلى للإصابة بسرطان الجلد

بالإضافة إلى تقليل تعرضك لأشعة الشمس خصوصا فى فترة الظهر و استخدام كريم واقى من الشمس ، فحص أى تغيير متعلق بالشامات فى جسمك هيساعد كتير جدا فى الوقاية والإكتشاف المبكر لنوع من أخطرأنواع سرطان الجلد ( الميلانوما

فحص الشامات ( الحسنات ) :

فى حالة ظهور حسنات جديدة أو وجود تاريخ عائلى للإصابة بسرطان الجلد ( الميلانوما ) ، قومى بفحص نفسك مرة شهريا للتأكد من عد وجود تغيير فى الشامات . معظم الحسنات حميدة غير سرطانية ، و لكن الشامات اللى تستدعى التوجه للطبيب هى اللى يكون لها شكل مختلف عن باقى الشامات فى الجسم ، أو الشامات اللى بتظهر بعد عمر 21 سنة

لو لاحظتى حدوث تغيير فى لون الشامات أو شكلها توجهى لطبيب جلدية عشان يقوم بفحص الشامات المختلفة عن الشامات الموجودة فى باقى جسمك ، كمان مهم جدا تقومى بفحص الشامات إذا كانت تنزف ، بها حكة ، بارزة ، متقشرة ، أو مؤلمة

إيه هى الأعراض إللى تستدعى اهتمامك :

افحصى بشرتك فى المراية وخصوصا المناطق المعرضة أكتر للشمس زى الوجه واليدين والذراعين . فى أثناء فحص بشرتك حطى فى اعتبارك الإشارات الجاية عشان تستبعدى خطر الإصابة بالسرطان :

  • التناسق : عدم وجود تماثل بين النصف الأول والنصف الثانى من الشامة
  • الحواف : عدم انتظام الحواف أو عدم وضوحها
  • اللون : حدوث تغيير فى لون الشامة أو تلونها بأكتر من لون زى درجات البنى والأسود و الأزرق و الأبيض والأحمر
  • القطر : إذا زاد قطر الشامة عن قطر أستيكة القلم الرصاص
  • اختلاف شكل شامة عن باقى الشامات الموجودة بالجسم فى المساحة أو اللون أو الشكل

خلى بالك ان ( الميلانوما ) أحيانا بتكون أعراضها غير واضحة ، فيجب انك تكون حذرة جدا مع أى تغيير يحصل فى جلدك وخصوصا التغيير فى الشامات . لو لاحظتى أى من الأعراض دى على جلدك استشيرى الدكتور بتاعك الدكتور هيقوم بالفحص وأخد عينة إذا استدعى الأمر

لو تم التشخيص كميلانوما فإن العينة هتساعد فى تحديد عمق انتشار المرض فى الجلد ودة هيساعد فى عملية العلاج

المكان الشائع لظهور الميلانوما عند الرجال يكون فى منطقة الظهر وعند النساء فى منطقة الساقين

Share.

Comments are closed.