اشترك
like Sofy on Facebook

غير مفاهيمك ….. إكسب صحتك وكمان إخسر وزنك 

0

كلنا بنسعى للوصول لوزننا المثالي عشان نكون في أجمل صورة لينا. وعملية التخسيس دي أصبحت متعبة و مرهقة ولوبدأنا دايت مش بنقدر نكمله و نرجع تنخن تاني و نصاب بالإحباط، بنقدملك في الموضوع ده صورة جديدة خالص هتساعدك توصل للي بتحلم بيه.

تعرف إيه أكبر غلط بيقع فيه اللي عايز يخس ؟
إنه بيحط نفسه تحت ضغط كبير وصعوبات كتير بتخليه يستسلم بسرعة. الحمية المعتمدة على نوع واحد من الطعام والأستمرار في تناول الأكل قليل الدهون و الكربوهيدرات وكمان شرب المشروبات الدايت وجد إنه مش بيساعد على التخسيس لأنه بيأثر بالسلب على معدل الحرق في الجسم وبيصيبك بالإحساس بالجوع دايما وبيقلل مستوى الطاقة في الجسم.

وإحنا في الموضوع ده هنصحح ونغير شوية مفاهيم غلط كلنا بنمشي وراها :
1- بدل ما تقلل السعرات الحرارية اللي بتدخل جسمك، إخترها :
معلومة جديدة لازم تكون عارفها إن مش كل السعرات الحرارية اللي بتدخل جسمك ليها نفس التأثيرلكنها بتختلف حسب النوعية و الجودة، وده لأن جسمك بتطبيعته بيحتاج كميات متساوية من المواد الغذائية الكلية وهي البروتين، الدهون و الكربوهيدرات والمغذيات الدقيقة وهي المعادن، مضادات الأكسدة ، كمان بيحتاج المية و الألياف
ونقص أي من المغذيات دي بيحدث نقص في مستوى الطاقة اللي محتاجها الجسم وكمان خلل في الهرمونات الموجودة بالجسم والحرق في الجسم مبيوصلش للمعدل المطلوب وده اللي بيؤدي للزيادة في الوزن
الحمية اللي بتحتوي على كل العناصر الغذائية اللي بيحتاحها الجسم بتقلل من معدل السكر المحمل به الدم عن طريق خفض معدل تحول الكربوهيدرات لسكر وده بدوره بيخلي الجسم يهضم السكرالقليل اللي موجود بدل من تخزينه

2- مش كل الدهون يتخليك تتخن :
مينفعش يكون أكلك كله خالى الدسم، لأن الحصول على نسبة معقولة من الدهون المفيدة مهم جدا لصحة جسمك والقدرة على التحكم في الوزن لفترة طويلة، كمان مفيدة للمخ والقلب وبيقلل من الدهون المشبعة في الجسم وبيساعد في التحكم في مستوى السكر في الدم
الدهون نوعين، نوع ضار وده اللي موجود في الوجبات السريعة و المصنعة. لكن الدهون المفيدة للجسم هي اللي موجودة في الأسماك، المكسرات، والحبوب و اللي أشهرها “الأوميجا 3”
وبينصح بأن تكون 20-30% من السعرات الحرارية اللي بتدخل جسمك في اليوم من الدهون المفيدة دي

3- مارس الرياضة مش عشان تخس لكن عشان تكون في الفورمة ونحافظ على معدل الحرق في جسمك :
ممارسة الرياضة والتمرين بصورة منتظمة، ليها فوائد كتيرة اكتر من فقدان الوزن، أهمها إنتظام معدل الحرق في الجسم حتى في الأوقات اللي مش بتتمرن فيها ومن أمثلتها تمارين “الكارديو” اللي بتبني العضلات و تقويها

4- التخسيس هو تغيير طريقة الحياة :
لكتير من الناس إنك تخس أو تكون في وزنك المثالي هو إنك تكون في حالة نفسية كويسة منغير إي نظام غذائي ، في ناس أكلها بيزيد لما بتكون بتواجه مشكلة أو عندها ضغوطات
حاول دايما تسأل نفسك أنا ليه بأكل كتير، هل عشان فعلا جعان والأ دي طريقة في إخراج الطاقة السلبية

5- لازم تفرق بين الأكل الأساسي و اللي بنأكله عشان بنحبه :
جسمك بالتأكيد محتاج لتغذية، بس في فرق كبير في نوع التغذية. الأكل العادي زي الخضار واللحوم، الفاكهة والأجبان والمكسرات ده مهم ولازم يكون موجود تقريبا كل يوم لأنه عالي القيمة الغذائية
لكن الأيس كريم والبيتزا والكوكيز مليانة كربوهيدرات مضاعفة فلازم نأكلها بحكمة ، وميفضلش أبدا إنك تكافيء نفسك على إعتدال نظامك الغذائي بوجبات ترجعك خطوات كتير لورا ( اللي بنسميه اليوم الفري)
حاول تخلي الأنواع دي من الأكلات جزء من الوجبة الأساسية ، بكدة هتأكل اللي بتحبه و مش هتخسر صحتك

Share.

Comments are closed.