اشترك
like Sofy on Facebook

عيونك .. ترمومتر صحتك وجمالك

0

مفيش شك ان صحة العين مهمة جدا عند كل انسان لانها بتعتبر عنوان الصحة والجمال وكمان لان مفيش نشاط  بنعمله الا وبنستخدم فيه عينينا والعينين من اكتر المناطق في الجسم اللي بتعاني من مشاكل بسبب الاجهاد الزائد من الجلوس وقت طويل قدام التلفزيون والكمبيوتر  وكمان بسبب تغيير الفصول وبسبب التلوث اللي بنعاني منه في الجو حوالينا وكمان حاسة البصر من الحواس اللي بتضعف بشدة كل مابنتقدم في العمر. ومن خلال المقالة دي هنساعدكم تعرفو ايه هي اكتر المشاكل اللي بتواجه العين وازاي نتغلب عليها وازاي نحافظ علي صحة عينينا .

  • اهم الامراض اللي بتصيب العينين:
    – ضعف البصر
    – كسل العين
    – العشي الليلي(ضعف الرؤية ليلا)
    – قصر النظر(رؤية الاشياء القريبة اوضح ورؤية البعيدة غير واضحة)
    – طول النظر(رؤية الاشياء البعيدة اوضح ورؤية القريبة بصعوبة)
    – عمي الالوان(عدم القدرة علي التمييز بين الالوان)
    – مشاكل اخري زي الدمامل والاكياس الدهنية.
  • اسباب تؤدي لضعف البصر:
    1- وراثة ضعف البصر من الوالدين او احدهما.
    2- مرض السكر بيؤدي لضعف البصر لانه بيؤثر علي شبكية العين.
    3- التعرض لاشعة الشمس القوية لمدة طويلة بدون وجود حماية كافية.
    4- الجلوس لفترات طويلة امام شاشة الكمبيوتر او التلفزيون او الموبايل.
    5- مشاكل في القرنية او الشبكية او عيوب خلقية بالعين منذ الولادة.
    6- استخدام عدسات لاصقة مصدرها غير مضمون بيسبب قرحة في الشبكية وخراج في العين.

 

  • ازاي نحمي نفسنا من مشاكل العين او نقللها:
    -اكل الجزر باستمرار يقوي صحة العين الي جانب الاطعمة الغنية بفيتامين c
    -من وقت للتاني اثناء جلوسك علي الكمبيوتر وجه نظرك لاي حاجة بعيدة عشان تريح عينك
    -خلي دايما مستوي الاضاءة قوي اثناء جلوسك قدام الكمبيوتر والتلفزيون
    -حاول قدر الامكان متجهدش عينك في قراءة الخطوط الصغيرة
    -يفضل في الايام شديدة الحرارة انك تلبس نظارة تحميك من الشمس بس تكون من النوع الجيد لحماية عينيك من الاحمرار.
    -اتجنب التعرض للدخان المنبعث من السيارات ومن دخان السجاير
    -لو كنت بتلبس نظارة للنظر ونفسك نظرك يكون قوي ممكن تتخلي عن النظارة لفترة قصيرة وحاول تقرأ من غيرها لان ده بينشط العين
    -بلاش استخدام عدسات لاصقة غير مضمونة المصدر.
    -بلاش الاشتراك مع اشخاص اخرين في استخدام النظارة او العدسات
    -يفضل في مرحلة اواخر الثلاثينات انك تقوم بإجراء اختبار علي عينك كل فترة للاطمئنان عليها.
    -بلاش استخدام النظارات الشمس اللي بتتباع في الشوارع وغير مضمونة المصدر لانها بتضر العين.
    -للسيدات:بلاش استخدام اقلام الكحل غير مضمونة المصدر لانها بتؤثر علي صحة العين.

Share.

Comments are closed.