اشترك
like Sofy on Facebook

!علامات تعرفك انت نفسيا في حالة جيده ولا لأ…وإزاي تساعد نفسك

0

كلنا بتعدي علينا فترات بنكون فيها مش في أفضل حالاتنا وبنحس بتعب وإرهاق وملل بدون سبب ،ودي حالة مش غريبة لأن كلنا تقريبا ممكن نمر بيها في حياتنا بس عشان تقدر تساعد نفسك وترجع لحالتك النفسية والجسمانية الجيدة ،لازم تساعد نفسك أول ما تحس بأعراض التعب النفسي والجسماني ،وسهل إنك تكتشف إصابتك بالحالة دي لو لقيت معظم الأعراض دي موجودة عندك 

بتتعصب بسهولة من أي شئ

كلنا بنغضب وبنتعصب من حاجات معينة ،لكن الفكرة في مدى قدرتي علي تحمل الموقف يعني الطبيعي إنني ممكن أغضب من حاجة لكن مايكونش رد فعلي عصبي لدرجة أكبر من الموقف ، لما بتوصل للحالة دي بسبب إنك مش عندك طاقة لتحمل أي شئ وبتكون أعصابك على الحافة وبتشعر بالغضب الشديد … من الأفضل ليك إنك تساعد نفسك تحاول ترجع لهدوئك من خلال قيامك بشئ يساعدك على الأسترخاء وإسترجاع الراحة والأمان

مش عندك أي حافز أو دافع للقيام بشئ

بتشعر أنك مش قادر على إنجاز أي عمل ،وعندك صعوبة في إنك تلاقي الدافع اللي محتاجه عشان تقدر تقوم بأي عمل . أنت ببساطة بتكون عاوز تهرب بالنوم علشان متفكرش في أي شئ  وتهرب من الإحساس بالأحباط  اللي بيحاول السيطرة عليك

بتعاني من القلق وقلة النوم بشكل غير طبيعي

الأرق متعب للغاية ،لأنك بتكون مرهق ومحتاج تنام ، ولكن مش قادر نتيجة القلق والمشاعر اللى شاغلة تفكيرك،وكل ما تحاول تنام متعرفش لأنك مش قادر على غلق باب أفكارك ،وحتى لو نمت هيكون نومك متقطع

بتكون حساس وكثير البكاء تجاه أي شخص أو موقف بسيط يزعجك

لأنك لما بتكون نفسيا وجسديا مرهق ده بيخليك حساس لأي موقف ،ومش عندك أي قدرة على احتمال أي موقف مزعج حتى لو بسيط فبيخليك تنهار وتبكي . خد بعض الوقت وحاول إعادة بناء عالمك،وحاول التحدث إلى نفسك وتساعد نفسك بأنك متتأثرش بسهولة،ومع الوقت هتشوف نفسك بتتحسن

 تشعر بالدوخة والغثيان

الحالة دي بتخليك تشعر بالدوخة والصداع وضربات القلب السريعة وتحس بأنك مريض وكل الأعراض دي مرتبطة بالاكتئاب والقلق ، ومصدرها هو الضغط النفسي والإجهاد ، وده بيحصل لكل واحد فينا لما بيكون نفسيا مضغوط وقلقان بيشعر بالغثيان وده لأن الجسم بيقوم برد فعل نتيجة إننا نفسيا  تعبانين

 تبدأ في الشعور بالابتعاد

من ضمن الأعراض إنك بتعزل نفسك عن كل اللي حواليك وبتهرب من أي تجمعات مع أي أفراد وبالتالي لم يعد أصدقاؤك على استعداد للاتصال بك بعد الآن ، لأنك قطعتهم برفضك لكل دعوة

متقلقش لو الأعراض دي عندك لأنك ممكن تساعد نفسك تخرج من الحالة دي وتبقى أحسن ببعض الطرق زي ..

السفر

السفر صعب أحيانا بسبب ضيق الوقت. لكن مش لازم تسافر لمكان بعيد أو مكلف ، مجرد مكان هادي ومختلف عن البيئة اللي انت عايش يها هيحسن من مزاجك وحالتك النفسية

غير نمط حياتك

حتى أصغر التغييرات في نمط حياتك ممكن تقطع شوط طويل في تحسين حالتك على سبيل المثال ، لو كنت بتفضل أكل الأطعمة الدهنية والمصنعة ، قم بتبديلها بالفواكه الطازجة والخضار والبدائل الصحية. لو كنت بتحب السهر، حاول تنام بدري وتصحى بدري وتستغل اليوم من أوله

مارس التمارين أو الرقص

لما تكون مكتئب ،قوم واتحرك ومارس التمارين أو الرقص ،لأن التمرين أو الرقص يحفز القلب وبيساعد على تنشيط الدورة الدموية وتدفق الدم في الجسم بشكل منتظم. وكمان بيحسن من الصحة العقلية لأنه بيعمل على إطلاق مادة كيميائية شديدة الإحساس تدعى الاندورفين، اللي بتساعد في مكافحة الإجهاد

اسأل نفسك: إيه اللي يخليك تشعر بالارتياح مرة أخرى

لو كان نفسك توصل للشئ اللي يخليك سعيد ، أسأل نفسك ! إزاي ترجع لحالتك النفسية والجسمانية الجيدة ،وأكتب إجاباتك في ورقة ،من هنا هتقدر تحدد كل الحاجات اللي بتحبها وبتخليك فرحان ، أتخلص من كل الأشياء السلبية في حياتك وركز على اللي يخليك سعيد وساعد نفسك بنفسك

Share.

Comments are closed.