اشترك
Buy Neuth France products

عشان تعوم وأنت مطمن

0

كلنا بنحب الصيف ونزول البحر أو حمامات السباحة. وعشان تتمتع بالأجازة، إحمي نفسك وعيلتك من أي أمراض ممكن تصيبكوا لما تقرا الموضوع دة.

4 حاجات ممكن تصيبك بسبب نزول حمامات السباحة خلي بالك منها :

 

  1. التهاب الأذن الظاهرة : وههو عبارة عن التهاب في قناة الأذن بسبب الرطوبة بينتج عنه تهيج للجلد وشعور بالحكة شبيه بالتهابات الحفاضات مع وجود ألم شديد

العدوى دي بتصيب الأطفال والشباب على الأخص، لكنها مش عدوى خطيرة وبيتم علاجها عن طريق أدوات شفط السوائل من الأذن مع نقاط المضاد الحيوي الخاصة للأذن مع مسكنات إذا لزم الأمر.وفي علاج طبيعي منزلي هو شطف الأذن بمحلول ملحي أو خل مضاف إلى الماء

وممكن تقي نفسك وطفلك بعد الخروج من حمام السباحة عن طريق تنشيف الأذن كويس بعد الخروج مباشرة، وعند الأستحمام إهتم بتنظيف أذنيك مع التنشيف كويس جدا

 

  1. الشوكميبة (التهاب القرنية ): وده بيصيب الأشخاص اللي بيعوموا وهما لابسين العدسات اللاصقة. تلامس المية المليانة بالميكروبات مع العدسات بيسبب التهابات شديدة للقرنية وممكن كمان فقدان مؤقت للرؤية ، عشان كدة بيفضل عدم إرتداء العدسات أثناء العوم

كمان بيفضل إرتداء النظارات الخاصة بالسباحة للحفاظ على العين من الجفاف

 

  1. عدوى الخميرة : ودي بسبب المية المعاجة بالكلور . لما بيمتص الجلد الكلور بيقوم الكلور بقتل البكتيريا المفيدة جوة الجسم وده بيساعد على نمو الخمائر

عشان كدة بيفضل إنك متفضلش وقت طويل في حمام السباحة أو تطلع كل فترة وتقوم بغسل جسمك بالماء

 

  1. الجيارديا المعوية : ودي سببها شرب مياه حمام السباحة الغير نظيفة، بيسبب إسهال وإنتفاخ ، سوء هضم الدهون والفيتامينات

مما يؤدي لفقدان الوزن

عشان كدة لازم تتأكدمن نظافة حمام السباحة قبل ما تنزله أنت وأولادك

Share.

Comments are closed.