اشترك
Buy Neuth France products

عاداتنا هنغيرها

0

المؤتمر الأقتصادي عكس التغيير الكبير اللي حصل في مصر خلال الفترة الأخيرة، النظافة والالتزام والنظام وكل دي كانت جهود من الشباب، المسؤلين ورجال الأعمال.

التغيير ممكن وسهل، إيه رأيكوا نبدأ يشوية عادات بسيطة نحاول نغيرها مع بعض.

من ضمن عاداتنا الغلط :

  1. عاداتنا في الأكل :
  • نختار أكبر طبق نأكل فيه، ده بيخلينا منغير منحس نزود من الكم اللي بنأكله كل مرة

الحل : خلي الطبق الكبير للسلطة

  • لما تجوع أي وقت بتقوم تأكل

الحل : خلي في معاد ثابت كل يوم باليل، تغسل أسنانك وتطفي نور المطبخ وتخلي معاك طبق فيه فاكهة بس

  • عدم الحصول على وجبة الفطار، وده هيخليك حاسس بحوع طول اليوم
  • الأكل الكتير لما تكون مضايق

الحل : حاول تكلم حد من أصدقائك أو تتمشى وتشغل نفسك بأي حاجة غير الأكل

  • الأكل بسرعة،معروف إن المخ بيحتاج من 15ل20 دقيقة عشان يرسل إشارات بالشبع، فلازم تتعود تأكل ببطىء عشان متتخنش
  • بتتكلم وأنت بتاكل، دي مش حاجة لطيفة بالمرة حاول تبطلها

 

  1. عاداتنا في نظافة البيت :

بدل ماتستنى إنك توضب بيتك وتنظفة آخر الأسبوع جرب تعمل الخطوات السريعة دي كل يوم :

  • رتب سريرك أول ما تصحى
  • نظف الحمام بعد كل إستخدام، مش هيحتاج أكتر من دقايق
  • أول ماتوصل البيت علق هدومك أو حطها في سبت الغسيل
  • خلي في سلة مخصوصة للورق، جمع فيها كل الورق اللي مش محتاجة,ممكن توديه يعاد تصنيعه
  • بعد الأكل علطول إغسل كل الأطباق والأواني
  • متملاش بيتك بالكراكيب اللي ملهاش لازمة، إتخلص منعا علطول
  • إتخلص من القمامة كل يوم بس مترميهاش من الشباك

 

  1. عاداتك في النظافة الشخصية :

إعتني بنفسك بشوية خطوات بسيطة:

  • إستحم كل يوم أو يوم بعد يوم بماء دافيء
  • إغسل أسنانك مرتين على الأقل
  • إستخدم مزيلات التعرق
  • واظب على حلافة الذقن والشعر، واظبي على نظافة شعرك
  • إغسل وجهك،يديك وقدميك بمجرد الوصول للبيت

 

  1. عاداتك اليومية :
  • الجلوس لفترات كبيرة قدام التليفزيون: ده بيقلل نشاطك البدني والذهني وبيصيبك بالسمنة
  • إستخدام ال”credit card ” بكثرة هيخليك حاسس دايما إنك مديون وده بيعمل ضغط نفسي كبير، حاول تقلل من نفقاتك وخلي في أولوية لصرف الفلوس
  • الانفعال والغضب الزائد، هيخليك علطول في حالة مزاجية سيئة وده هينعكس بالسلب على صحتك
  • الحديث عن حاجات خاصة بناس تانية
  • إنك تقول معلومة غلط عشان مش عايز تقول إنك متعرفش

 

  1. وفي عادات غلط بنعملها مع أولادنا زي :
  • لما توعدي طفلك بحاجة ومتنفزيهاش، ده بيقلل من الثقة بنكوا
  • لما تقومي بعمل واجبات طفلك، ده هيعلموا يكون شخصية إتكالية
  • عدم تخصيص وقت تتكلمي فيه مع طفلك
  • عدم فرض عقوبات للأفعال الغلط لطفلك
  • مقارنة طفلك بزملائه او أقربائه

طبعا مش هنقدر نغير العادات دي كلها في لحظة، بس لازم نكون شايفنها قدامنا وعارفين إنها غلط ونشجع نفسنا على تغيرها

Share.

Comments are closed.