اشترك
like Sofy on Facebook

طفلك بيحب الحلويات .. يبقى الموضوع دة يهمك

0

الشيكولاتة و الحلويات بأشكالها المختلفة أكتر حاجة بتجذب الطفل وبتزود سعادته و هى أفضل مكافأة بتتقدم له لو عمل حاجة كويسة و أكبر عقاب للطفل هو الحرمان منها وبتأثر على مشاعره فدائما الشخص اللى بيجيب الحاجة الحلوى هو الشخص الأقرب ليه و كتير من الأطفال بيفضلوا الحاجة حلوى حتى على وجبات الطعام المختلفة  و طبعا الحلويات مفيدة للأطفال لكن هل ده معناه أن الصح أنها تتقدم للطفل بأستمرار وقت ما يطلب و لا ممكن يكون ليها نتيجة عكسية و الأفضل أن يكون فيه شوية محاذير ؟ أتعرف معانا على الوجه الآخر للحلويات و على أجابة السؤال.

  • الحلوى و الطفل:

على  الرغم من أن الحلويات و السكريات هما أصدقاء الطفل المقربين و على الرغم من أحتياجه ليهم  و مهمة جدا لبناء جسمه الا أن من الضرورى على كل أب و أم أنهم يحددوا الكمية اللى الطفل هياخذها من الحلويات لأن الحلويات الزيادة عن اللزوم هتأذى صحة طفلهم و هيكون ليها مخاطر أكتر من فوائدها .

  • أضرار الأكثار من الحلويات على الطفل :
  1. بيزود السكر الموجود فى الحلويات المصنعة من السعرات الحرارية لكن مش بيمد الجسم بالتغذية المطلوبة وده ممكن يسبب خلل فى عادات التغذية.
  2. الحلويات غنية بالسكر و بتدخل فيها السكريات و ده بيسبب السمنة عند الأطفال و ممكن يزود أحتمال أصابتهم بالسكر .
  3. ليها تأثير سلبى على الجهاز المناعى للطفل و تناولها بكميات كبيرة بيعمل على أضعاف الجهاز المناعى.
  4. بتسبب تسوس الأسنان .
  5. بيضاف ليها الكافيين وده بيكون ليه تأثير على الجهاز العصبى للأطفال وده بيسبب توتر و أرق وممكن كمان أنه يسرع ضربات القلب .
  6. زيادة نسبة السكريات عن الحد الطبيعى بيقلل من قدرات الطفل الذهنية و يحد من الأنتباه و التركيز.
  • الأرشادات المتبعة لتناول الأطفال الحلوى :
  1. تحديد أوقات معينة لأكل الحلويات يوميا.
  2. ممكن تعويد الطفل على الفواكه أكثر من الحلويات المجففة.
  3. الأهتمام بالأسنان و تنظيفها أكثر من مرة فى اليوم لحمايتها من التسوس
  4. الحلوى فى الأساس مش ضارة فممكن السماح للطفل بتناولها بحرية فى الحفلات وأعياد الميلاد .
  5. ئجنب البيبسى و المشروبات الغازية لأنها بتحتوى على نسب عالية من السكر ده غير أضرارها التانية على الجسم.
  6. مراعاة الأعتدال فى كمية الحلويات اللى هيأكلها الطفل يوميا.

Share.

Comments are closed.