اشترك
Buy Neuth France products

طريقة عمل صدور الدجاج المشوية مع الخضروات

0

مستعجلة  وعايزة تعملى وصفة شهية و سريعة ؟ مفيش مشكلة جربى وصفة الفراخ المشوية مع الخضروات و استمتعى بأكلة صحية و لذيذة و مش مكلفة

المكونات :

  • 2-3 ثمرة لفت مقشرة و مقطعة
  • 4/1 كيلو من البطاطس الصغيرة مقطعة لأرباع
  • 2 ملعقة كبيرة زيت زيتون بكر
  • 1 ملعقة صغيرة من البردقوش الجاف
  • ملح و فلفل
  • 4/1 كوب من الدقيق
  • 1 كوب من الشوربة
  • 2 صدر دجاج بالعظم منزوعين الدهون و الجلد و مقطعين لأنصاف
  • 1 ثمرة كراث مقطعة
  • 1 ملعقة كبيرة مستردة
  • 2 ملعقة كبيرة من الخل الأبيض

الطريقة :

  • سخنى الفرن على درجة حرارة متوسطة
  • اخلطى اللفت مع البطاطس و معلقة من الزيت و البردقوش و الملح و الفلفل فى طبق كبير و انقليهم لصينية خبز مدهونة بالزيت
  • فى الوقت دة ، حطى الدقيق فى طبق مسطح ،وخدى منه 2 ملعقة صغيرة و قلبيهم مع الشوربة و سيبيهم على جنب ، تبلى الفراخ بالملح و الفلفل و دحرجيها فى الدقيق المتبقى ، و انفضيها من زوايد الدقيق
  • سخنى ملعقة الزيت المتبقية فى طاسة واسعة على نار متوسطة ، و نزلى الفراخ من ناحية الجلد ، و سيبيها على النار لحد ما يتحول لونها للون البنى حوالى 5 دقايق و شيليها من على النار
  • بعد شوى الخضروات لمدة ربع ساعة طلعيها من الفرن ، وحطى معاهم الفراخ بحيث ناحية الجلد تكون لفوق ورجعى الصينية للفرن مرة تانية لحد ما تستوى الفراخ و الخضروات حوالى 20 دقيقة
  • فى وقت شوى الفراخ مع الخضروات ، هاتى الصينية إللى شوحتى فيها الفراخ ، وشوحى فيها الكرات لمدة دقيقة واحدة على نار متوسطة لحد ما يطلع ريحته
  • قلبى الشوربة مرة تانية و نزليها فى الطاسة لحد ما تغلى و قلبيها من وقت للتانى لحد ما تقل للنص حوالى 8 دقايق و قلبى معاها المستردة و الخل ، و قدمى الصوص دة مع الفراخ و الخضروات

Share.

Comments are closed.