اشترك
Buy Neuth France products

طرق لمحاربة دهون البطن

0

كل شخص عنده نسبة و لو قليلة من دهون البطن ، دة أمر طبيعى ، لكن تراكم دهون البطن ممكن يكون يؤثر على صحتك و يسبب بعض الأمراض و المشاكل ، بعض الدهون بتكون موجودة تحت الجلد و البعض بيتمركز حول القلب أو الرئتين أو الكبد و غيرها من الأعضاء و الدهون دى بيطلق عليها اسم الدهون الحشوية و هى ممكن تتكون حتى عند الأشخاص النحفاء

هل دهون البطن ليها أضرار على الصحة ؟
الإجابة أيوة ، لكن فى حالة تراكمها بشكل كبير ، لأن تراكم دهون البطن ممكن يخلى الإنسان معرض للإصابة ببعض الأمراض زى السكر من النوع الثانى و ارتفاع ضغط الدم و أمراض القلب و بعض أنواع السرطان زى سرطان القولون و الثدى لأن الدهون مش مجرد كتلة ثابتة لكن هى كتلة نشطة فى الجسم بتسبب إنتاج بعض المواد السامة فى الجسم

طرق محاربة دهون البطن :

  • ممارسة التمارين الرياضية بانتظام 30 دقيقة 5 أيام فى الأسبوع على الأقل ، المشى يعتبر من الرياضات إللى ممكن تمارسها كمان لكن بشروط إنه يكون منتظم و ينتج عنه تعرق و زيادة سرعة ضربات القلب عن المعتاد ، رياضة الجرى و ركوب الدراجة من أفضل الرياضات إللى ممكن تساهم فى محاربة دهون البطن
  • اتباع نظام غذائى صحى و تناول أطعمة غنية بالألياف بس لازم تعرف إن مفيش نظام غذائى سحرى هيقضى على دهون البطن ، و من أكتر الأطعمة الغنية بالألياف اللوز و السبانخ و الخضروات الورقية و البقوليات
  • النوم ليلا و لفترات كافية : على العكس من اعتقاد كتير من الناس إن النشاط و عدم النوم بيزود من معدل الحرق و يخليهم يخسوا أسرع لكن الاعتقاد دة مش صحيح ، فعدم النوم لفترات كافية بيسبب تغير فى مستوى الهرمونات فى الجسم زى هرمون الكورتيزول و بالتالى يصاب الجسم بحساسية للأنسولين فتتولد رغبة شديدة عند الإنسان لتناول الأطعمة الغنية بالسكريات ، علشان كدة لازم تحصل على 7 أو 8 ساعات يوميا ليلا
  • اتحكم فى الضغوط النفسية : الدراسات أثبتت إن زيادة الضغوط النفسية بيؤدى إلى زيادة إفراز هرمون الكورتيزول وهو هرمون مرتبط بزيادة نسبة الدهون فى البطن ، بالإضافة لكدة فى الأغلب فى وقت الضغوط هتكون ميال أكتر لاختيارات اختيارت طعام غير صحية
  • شرب كميات كبيرة من الماء : شرب المياه مفيد فى عملية حرق دهون البطن لأنه بينظم معدل الحرق و بيساعد على الشعور الشبع ، انت محتاج من 6 ل 8 أكواب مياه فى اليوم وعدد الأكواب قابل للزيادة فى حالة ممارستك للرياضة
  • جرب المشروبات الحارقة لدهون البطن :مشروب الجنزبيل و الشاى الأخضر:المكونات : معلقة شاى أخضر صغيرة – معلقة كمون صغيرة – معلقة نعناع صغيرة

الطريقة : تنقع المكونات فى كوب من الماء المغلى و يغطى الكوب و يترك المشروب لمدة 10 دقائق ثم يتم شربه

  مشروب بذور الشمر :  إغلي ملعقةً متوسطةً من بذور الشمر, ثم صفّي السائل واتركيه ليبرد وإشربي منه مرتين يومياً

 

Share.

Comments are closed.