اشترك
like Sofy on Facebook

صحة قدميك هي انعكاس لصحتك بأكتر من 12 طريقة

0

ساعات كتير بنعاني من آلام في القدمين وبيكون تفسيرنا الوحيد هو الجهد الزائد، اعرف دليل كل عرض بتحس بيه وعلاقته بصحة جسمك كله.

  1. الشعور الدائم ببرودة القدم :

ده ليه اكتر من سبب أولهم وجود مشكلات بالدورة الدموية سببها التدخين، ضغط الدم المرتفع او امراض القلب. كمان ممكن يكون بسبب تلف الأعصاب عند مرضى السكر أو الغدة الدرقية او الأنيميا

  1. ألم القدمين :

وجود ألم بالقدمين مش شرط يكون بسبب الكعب العالي، ممكن يكون بسبب الإجهاد، وجود شرخ في العظام أوضعف العظام للي بيعانوا من الهشاشة.

كمان ممكن يكون بسبب ممارسة بعض الرياضات زي كرة السلة والعدو

  1. تغير لون أصابع القدم :

تغير لون اصابع القدم للأبيض ثم الزرق ثم الأحمر هوبسبب حدوث ضيق مفاجيء في الشرايين مع التوتر أو تغير درجات الحرارة ويسمى بالرينويد وهو ملوش أي اضرار صحية بس هو ممكن يكون مصاحب للروماتيزم،أو أمراض الغدة الدرقية

  1. آلام الكعب :

السبب الأكثر شيوعا للآم الكعب هو  التهاب اللفافة الأخمصية وبتحس بيه اكتر عند الاستيقاظ من النوم والنهوض لأول مرة، كمان في اسباب تانية زي التهاب المفاصل، الأحذية الغير مريحة والتهاب العظام

  1. سحب القدمين :

وده سببه تلف العصاب الناتج عن نقص الفيتامينات أو مرض السكر

  1. الأصابع المقوصة :

ودي سببها الرئيسي أمراض الرئة أو الجهاز الهضمي والكبد، وممكن يكون عامل وراثي مش مرتبط بأي مرض

  1. القدم المنتفخة :

ودي سببها الوقوف لمدة طويلة او السفر مسافة كبيرة خصوصا عند المرأة الحامل. لكن لو كان بصورة متكررة ممكن يكون دليل على وجود مشكلات بالجهاز الليمفاوي، تجلط الدم أو أضطرابات الغدة الدرقية

  1. الاحساس بالحرقة في القدمين :

وده سببه الرئيسي نقص فيتامين “ب”، أمراض الكلى المزمنة وتلف الأعصاب الطرفية لمرضى السكر

  1. عدم التئام البثور والجروح :

ودي نتاج الأصابة بالسكر وبيتوجب على المريض غسل القدمين وتجفيفها بصورة منتظمة عشان نمنع حدوث أي تلوث للجروح

  1. ألم في الأصبع الأكبر للقدم :

وده سببه النقرس ، هشاشة العظام أو التهاب المفاصل أو التهاب في الأربطة المحيطة للمفصل بالنسبة للرياضيين

  1. الشعور بالحكة في القدم :

وده ممكن يكون سببه الإصابة بالقدم الرياضية وهو نوع من العدوى الفطرية ولو الجلد أصبح كثيف تبقى الصدفية وهي رد فعل مفرط من الجهاز المناعي ، ويمكن تخفيف الألم باستخدام الكريمات العلاجية

  1. وجود بقع سوداء في القدم :

البقع دي بتكون نوع من أنواع سرطان الجلد اللي بيظهر في الماكن الغير معرضة للشمس

  1. اصفرار وزيادة كثافة الأظافر :

العدوى الفطرية هي سبب اصفرار الأظافر وسماكتها، وممكن تكون دليل على وجود ورم في الجهاز الليمفاوي أو مشاكل بالرئة أو التهاب المفاصل

Share.

Comments are closed.