اشترك
like Sofy on Facebook

شوية حقايق عن التخسيس

0

كلنا بعد فترة الأعياد اللي فاتت أكلنا كتير قوي، وحاسين إننا محتاجين نرجع نظبت أكلنا تاني. إعرف معانا شوية معلومات تساعدك تحافظ على الشكل اللي أنت بتفضله لنفسك.

شوية معلومات اكيد أنت محتاج تعرف صحتها، ومن المعلومات دي :

الأكل بالليل بيتخن : دي معلومة غلط، المشكلة ان الأشخاص اللي بيأكلوا بالليل بيكومن معظم أكلهم حاجات مليانة سعرات حرارية عشان كدة هم بيتخنوا. المشكلة اللي فعلا بيسببها الأكل بالليل هي الحموضة وعسر الهضم

في أنواع من السكريات أسوأ من غيرها  : ده مش حقيقي، الجسم بيتعامل مع كل أنواع السكريات بنفس الطريقة، فبدل ما تستبدل أي نوع من السكريات بغيره حاول إنك تقلل من السكر بوجه عام خصوصا اللي مستخبي في المشروبات الغازية والحلويات

لازم تبعد عن كل أنواع الدهون : أكبر غلط لأن جسمك محتاج لأنواع معينة من الدهون زي اللي موجودة في المكسرات، زيت الزيتون والأسماك. أبعد بس عن الدهون المشبعة زي اللي موجودة في الزيوت المهدرجة

شرب المية بيساعد على التخسيس : مش صحيح، شرب المية ممكن يكون بيساعدك إنك تقلل من شربك للمشروبات العازية والمليانة سكر فبكدة أنت ممكن تخس

الإكثار من اكل السكريات بيصيبك بمرض السكري : مش صحيح، السمنة اللي بتسببها السكريات هي اللي بتسبب أمراض القلب وكمان السكر

الكربوهيدرات كلها مضرة وبتصيبك بالسمنة : مش كلها مضرة ولازم تعرف إن جسمك محتاج ليها زي البروتينات واللياف، حاول بس تقلل منها

Share.

Comments are closed.